Супрацоўнікі Віцебскай мытні прынялі ўдзел у акцыях «Нашы дзеці» і «Ад усёй душы»
Мытнікі з усяго Віцебскага рэгіёну наведалі ДУА «Сацыяльна-педагагічны цэнтр Полацкага раёна», ДУ спецыяльнай адукацыі «Браслаўскі цэнтр карэкцыйна-развіваючага навучання і рэабілітацыі», ДУА «Цэнтр карэкцыйна-развіваючага навучання і рэабілітацыі Верхнядзвінскага раёна», «Гарадоцкі раённы цэнтр карэкцыйна-развіваючага навучання і развіцця», падарыўшы дзецям радасныя эмоцыі і памятныя падарункі, атрымаўшы ўзамен цёплыя абдымкі і шчырыя ўсмешкі. Сустрэча з дзецьмі, напоўненая смехам, гульнямі і весялосцю, стала сапраўдным святам для ўсіх прысутных.
Супрацоўнікі Віцебскай мытні ніколі не забываюць і пра сваіх ветэранаў. Сёлета ў рамках акцыі «Ад усёй душы» старэйшае пакаленне з радасцю сустракала мытнікаў на сваім парозе. Падарункі, цёплыя словы, святочныя пажаданні і пачуццё падзякі – усё гэта прынеслі з сабой работнікі мытні сваім ветэранам.
У выніку, усе, хто далучыўся, пранікліся пачуццём прыналежнасці да такой вялікай і важнай справы – любові і клопату да ўсіх, каму гэтая любоў і клопат так важныя і патрэбныя.
Па матэрыялах Віцебскай мытні.