З 1 жніўня на тэрыторыі Віцебскай вобласці ўводзіцца збор за перасячэнне мяжы на машыне
Згодна з рашэннем Віцебскага абласнога Савета дэпутатаў ад 29 чэрвеня 2021 г. № 238 на тэрыторыі Віцебскай вобласці з 1 жніўня ўводзіцца мясцовы збор за перасячэнне транспартнымі сродкамі Дзяржаўнай мяжы Рэспублікі Беларусь у пунктах пропуску. Пра гэта паведамляе Нацыянальны прававы інтэрнэт-партал.
Збор уводзіцца да 1 студзеня 2023 г. Яго стаўка складзе 1 базавую велічыню.
Ад выплаты збору вызваляюцца транспартныя сродкі, на якіх следуюць:
- прадстаўнікі дзяржорганаў Рэспублікі Беларусь у мэтах выканання службовых абавязкаў (неабходна наяўнасць пацвярджаючых дакументаў);
- замежныя грамадзяне і асобы без грамадзянства, якія прыбылі ў Рэспубліку Беларусь па запрашэнні дзяржорганаў, дзяржарганізацый (неабходна наяўнасць пацвярджаючых дакументаў);
- замежныя грамадзяне і асобы без грамадзянства, для якіх устаноўлены бязвізавы парадак уезду ў Рэспубліку Беларусь і выезду з яе ў сувязі з правядзеннем Міжнароднага фестывалю мастацтваў «Славянскі базар у Віцебску» (патрабуецца наяўнасць арыгінальных або электронных білетаў на мерапрыемствы гэтага фестывалю ў Летнім амфітэатры або канцэртнай зале «Віцебск»);
- ветэраны Вялікай Айчыннай вайны, ветэраны баявых дзеянняў на тэрыторыі іншых дзяржаў пры наяўнасці пацвярджаючых дакументаў, выдадзеных кампетэнтнымі органамі Рэспублікі Беларусь, а таксама асобы, якія іх суправаджаюць;
- замежныя грамадзяне і асобы без грамадзянства, якія следуюць па дакументах, што пацвярджаюць ступень цяжкасці і выяўленасці абмежаванняў фізічнай актыўнасці і ўдзелу 75-100 працэнтаў, выдадзеных кампетэнтнымі органамі дзяржавы грамадзянскай прыналежнасці або звычайнага месца жыхарства замежнага грамадзяніна або асобы без грамадзянства;
- асобы, якія выязджаюць з Рэспублікі Беларусь для атрымання меддапамогі пры наяўнасці дакументаў (копій дакументаў) прымаючай медыцынскай арганізацыі або Міністэрства аховы здароўя альбо пасля атрымання меддапамогі пры наяўнасці дакументаў (копій дакументаў) арганізацыі аховы здароўя Рэспублікі Беларусь, а таксама асобы, якія іх суправаджаюць;
- замежныя грамадзяне, якія выязджаюць пасля знаходжання ў санаторна-курортных і аздараўленчых арганізацыях Рэспублікі Беларусь, пры наяўнасці пацвярджаючых дакументаў;
- грамадзяне Рэспублікі Беларусь, якія выязджаюць для ажыццяўлення догляду за членамі сям'і і (або) блізкімі сваякамі ў сувязі з іх цяжкай хваробай, а таксама замежныя грамадзяне і асобы без грамадзянства, якія вяртаюцца да месца пастаяннага пражывання пасля ажыццяўлення догляду за членамі сям'і і (або) блізкімі сваякамі ў сувязі з іх цяжкай хваробай, пры наяўнасці пацвярджаючых дакументаў;
- замежныя грамадзяне і асобы без грамадзянства, якія выязджаюць з Рэспублікі Беларусь пасля пахавання членаў сям'і або блізкіх сваякоў, пры наяўнасці пацвярджаючых дакументаў;
- асобы, якія ажыццяўляюць перавозку гемапаэтычных стваловых клетак, органаў і (або) тканак чалавека для трансплантацыі;
- асобы, якія выязджаюць з Рэспублікі Беларусь па пастановах аб дэпартацыі (высылцы), пры наяўнасці пацвярджаючых дакументаў.
Рашэнне прынята ў адпаведнасці з Законам Рэспублікі Беларусь ад 29 снежня 2020 г. № 72-З «Аб змяненні Падатнага кодэкса Рэспублікі Беларусь» і ўступае ў сілу з 1-га чысла месяца, наступнага за месяцам яго афіцыйнага апублікавання.