Спартсмены Віцебскай вобласці заваявалі 9 медалёў на адкрытым чэмпіянаце Беларусі па плаванні
У Брэсце ў мінулую суботу завяршыўся адкрыты чэмпіянат Беларусі па плаванні з удзелам наймацнейшых спартсменаў Беларусі і прадстаўнікоў Расіі. Спартсмены Віцебскай вобласці заваявалі 9 медалёў.
Дзве ўзнагароды вышэйшай вартасці нашы землякі выйгралі на дыстанцыі 200 метраў батэрфляем. Сярод жанчын у дадзенай спаборніцкай дысцыпліне перамагла Лізавета Акашаева (пра што мы ўжо паведамлялі). Сярод мужчын выйграў шматразовы рэкардсмен Беларусі Іван Шамшурын (на фота), які паказаў час 2.00.69.
– Зразумела, першаму месцу рады, але вынікам не зусім задаволены, – пракаментаваў для «Віцебскіх вестак» сваё выступленне віцяблянін. – Спадзяюся, на найбліжэйшых буйных спаборніцтвах мне ўдасца праплысці хутчэй. Гэта будзе чэмпіянат Расіі, які пройдзе ў Казані з 14 па 19 красавіка.
Фота з архіва "ВВ".