У Браслаўскім раёне адкрылі інтэрнат для супрацоўнікаў пункта пропуску «Урбаны»
Некалькі гадоў таму Дзяржаўны мытны камітэт прыняў рашэнне аб перапрафіліраванні адміністрацыйнага будынка службы ў інтэрнат. Напярэдадні Дня народнага адзінства ва ўрачыстай абстаноўцы адкрылі дзверы дома на 25 месцаў для сямейных і адзінокіх супрацоўнікаў пункта пропуску «Урбаны».
У інтэрнаце створаны камфортныя ўмовы не толькі для пражывання, але і для адпачынку, заняткаў спортам і гульняў для дзяцей і дарослых. Ёсць нават пакой псіхалагічнай разгрузкі. Такі падарунак напярэдадні 17 верасня атрымалі будучыя новасёлы.
Цырымонія разразання сімвалічнай стужкі прайшла ва ўрачыстай абстаноўцы. Права адкрыць уваход у інтэрнат атрымалі намеснік старшыні аблвыканкама Анжаліка Нікіціна, начальнік Віцебскай мытні Сяргей Лінкевіч і старшыня Браслаўскага райвыканкама Вячаслаў Грышчанка.
Кожны павіншаваў з такой важнай падзеяй у жыцці новасёлаў, пажадаў і надалей паспяхова абараняць эканамічныя інтарэсы нашай краіны.