У дзіцячым садку № 3 Гарадка адкрылі дзіцячы басейн пасля рамонту

– Асабліва прыемна ўсведамляць, што ў вас будзе магчымасць загартавацца, займацца спортам і расці здаровымі, - звярнуўся да выхаванцаў дашкольнай установы старшыня абласнога Савета дэпутатаў Уладзімір Цярэнцьеў, які прысутнічаў на свяце. – Дзякуй трэба сказаць усім дарослым, якія дапамаглі стварыць выдатныя ўмовы для выхавання дзяцей, бо гэта інвестыцыі ў будучыню нашага грамадства.

— Цяпер у вас, дзеці, ёсць басейн. А гэта значыць, што вы будзеце вучыцца плаваць, загартавацца і, вядома ж, асвойваць правілы паводзінаў на вадзе, — адзначыла старшыня Гарадоцкага райвыканкама Ірына Палякова.

Як адзначыла загадчыца саду Наталля Лучнікава, рэканструкцыя басейна ў дзіцячым садзе стала магчымай дзякуючы Дню беларускага пісьменства, у рамках якога былі выдзелены сродкі на развіццё сістэмы адукацыі і рэгіёна. Гэта дашкольная ўстанова – адзіная ў горадзе і раёне, што мае басейн, таму, несумненна, ён будзе карыстацца вялікім попытам.

Выхаванцы дзіцячага сада грунтоўна падрыхтаваліся да гэтай знамянальнай падзеі: яны старанна рыхтавалі прыгожыя касцюмы, вучылі танцы і вершы, каб парадаваць і здзівіць ганаровых гасцей. Дарэчы, задума была ўвасоблена на ўсе сто. Бо проста немагчыма не ўсміхнуцца, гледзячы на дзёрзкіх жабракоў, якіх прывяла на сцэну іх выхавальніца ў вобразе чарапахі Тартылы. Дарэчы, гэтыя жабракі паспелі апрабаваць новы басейн, пакуль шукалі схаваны ў ім залаты ключык. А прыемным і салодкім завяршэннем праграмы сталі апетытныя кексы, якімі калектыў саду частаваў дарослых і, вядома ж, дзяцей.

"Віцебскія весці"