У Капысі ратавальнікі і кіраўніцтва вобласці наколалі 30 кубаў дроў "па-Прэзідэнцку"

В Копыси спасатели и руководство области накололи 30 кубов дров "по-Президентски"
На малой радзіме кіраўніка дзяржавы Аляксандра Лукашэнкі за сякеры ўзяліся старшыня Віцебскага аблвыканкама Аляксандр Субоцін і старшыня абласнога Савета дэпутатаў Дзмітрый Дзямідаў, а таксама старшыня Аршанскага райвыканкама Ігар Мароз і 30 кіраўнікоў АПЧС вобласці на чале з начальнікам абласнога ўпраўлення МНС Сяргеем Мялешкіным.

Падчас мерапрыемства, прысвечанага 30-годдзю інстытута Прэзідэнцтва, пакалолі 30 кубаў драўніны, якую ў выніку перадалі пенсіянерам і шматдзетным сем'ям, якія маюць патрэбу. Удзельнікі працоўнага флэшмоба не проста даставілі дровы, але і склалі іх.

 – Менавіта на радзіме Прэзідэнта праводзім гэты працоўны флэшмоб. 30 гадоў інстытуту Прэзідэнцтва – 30 кубаў дроў і 30 самых спрытных кіраўнікоў МНС. У 1994 годзе нашага лідара выбраў народ. Азіраючыся назад, можна выразна ўбачыць і ацаніць, як краіна жыла тады і што мы маем цяпер. Беларусы паказалі, як умеюць працаваць. Краіна квітнее і так будзе далей, нягледзячы на тое, што адбываецца вакол. Калка дроў у нас у краіне мае асаблівы сэнс. Гэта ўжо – нацыянальная традыцыя, – адзначыў Аляксандр Субоцін.

Пасля гарачага працоўнага маршу кіраўнікі вобласці наведалі "месца сілы" Прэзідэнта – Трафімаву крыніцу ў Аляксандрыі, каб акунуцца ў лядовую купель і папіць найчысцейшай крынічнай вады.

"Віцебскія весці"