У Ліёзным адкрылі новы водазабор са станцыяй абезжалезвання
– Пытанні якасці пітной вады былі і застаюцца актуальнымі, бо датычацца самага галоўнага – здароўя людзей. Адкрыццё сацыяльна значнага аб'екта – важная падзея для жыхароў Лёзненшчыны, – адзначыў Уладзімір Церанцьеў. – Раней у раёне было ўведзена ў строй 8 станцый абезжалезвання, і гэтая работа будзе працягнута. У бягучым годзе ставім задачу завяршыць будаўніцтва станцый абезжалезвання ва ўсіх рэгіёнах, каб чыстая вада безаварыйна паступала спажыўцам.
Член Савета Рэспублікі, начальнік рэгіянальнай дырэкцыі па Віцебскай вобласці ААТ «Белаграпрамбанк» Алег Жынгель падкрэсліў, што звароты грамадзян не застаюцца без увагі. Праблемы трэба не ствараць, а вырашаць іх хутка і аператыўна. Бо важней за чалавека няма нічога.
У мерапрыемстве таксама прынялі ўдзел прадстаўнікі абласных і раённых арганізацый, раённай улады, грамадскасць.
На працягу многіх гадоў у Лёзне актыўна развіваецца шматкватэрная жылая забудова, што стварае пэўную нагрузку на аб'екты водазабеспячэння, у тым ліку на станцыі абезжалезвання. У выніку ў гадзіны пік вада ў сетцы падавалася з нязначнымі адхіленнямі ад патрабаванняў санітарных нормаў, у прыватнасці па паказчыках мутнасці і ўтрымання жалеза. Каб вырашыць назрэлую праблему, кіраўніцтва раёна прыняло рашэнне аб будаўніцтве другога водазабору, уключаючы станцыю абезжалезвання і рэзервуары з чыстай вадой з магчымасцю падключэння да іх сістэмы водазабеспячэння населенага пункта Зубкі.
Яшчэ ў мінулым годзе была распрацавана праектна-каштарысная дакументацыя. І вось аб'ект уведзены ў строй. У цяперашні час рэалізаваны першы пускавы комплекс, уключаючы дзве артэзіянскія свідравіны, станцыю водападрыхтоўкі прадукцыйнасцю 40 м/г, два рэзервуары чыстай вады, а таксама будаўніцтва і замену участкаў водаправодных сетак на вуліцах Дабрамысленскай і Чкалава.
Другі пускавы комплекс будзе рэалізаваны ў першым паўгоддзі бягучага года, у рамках якога будуць завершаны работы па будаўніцтве водаправодных сетак на вуліцах Марыі Кастрычніцкай, Будаўнікоў, Станцыйнай, Вуглоўскага, Дубоўка, 1-й Камунальнай, Гагарына, Чырвонаармейскай, Леніна, зав. Піёнэрскі, з падключэннем водаправодных сетак населенага пункта Зубкі.