У першым квартале Віцебская вобласць павялічыла вытворчасць прадукцыі жывёлагадоўлі
Віцебская вобласць паспяхова прайшла зімовы стойлавы перыяд для жывёлы і нарасціла вытворчасць прадукцыі жывёлагадоўлі. Пра гэта заявіў старшыня аблвыканкама Аляксандр Субоцін на нарадзе аб развіцці сяла і павышэнні эфектыўнасці аграрнай галіны, якую правёў 16 красавіка Прэзідэнт Беларусі Аляксандр Лукашэнка.
Па словах кіраўніка рэгіёна, нягледзячы на некаторы недахоп кармоў, выкліканы леташняй засухай, вялікіх праблем не было. Цяпер каля 300 гуртоў кароў ужо выпасаюцца.
Першы квартал Віцебская вобласць у сферы жывёлагадоўлі завяршыла паспяхова.
– Вытворчасць малака – 110 працэнтаў да адпаведнага перыяду мінулага года, – адзначыў Аляксандр Субоцін. – Вырошчванне буйной рагатай жывёлы – 103%, птушкі і свіней – 107%, вытворчасць яек – 132%.