У Віцебску БРСМ падвёў вынікі 2020 года і абазначыў планы на 2021
У сваёй справаздачнай дакладзе першы сакратар абкама БРСМ Уладзімір Бабічаў прадставіў вынікі работы арганізацыі за мінулы год.
Важны напрамак дзейнасці моладзі ў 2020-м – валанцёрства. Так, валанцёры Віцебшчыны ўносяць важкі ўклад у развіццё добраахвотніцкага руху краіны. Па выніках штогадовых рэспубліканскіх конкурсаў «Валанцёр года» і «Моладзь за чысціню гарадоў і вёсак» 12 узнагарод за паўночным рэгіёнам краіны.
Арганізацыя дзейнасці студэнцкіх атрадаў з’яўляецца адной з прыярытэтных на Віцебшчыне. І гэта неаднаразова адзначаецца на рэспубліканскім узроўні. Удзельнікі студатрадаў штогод працуюць на сацыяльна-значных аб’ектах, маладзёжных будоўлях. Калі гаварыць мовай лічбаў, то ў 2020-м працаўладкавана больш за 4 тыс. чалавек. Напрыклад, віцебская моладзь працавала ў складзе будаўнічых, сельскагаспадарчых, педагагічных, экалагічных і сэрвісных, медыцынскага і іншых атрадаў.
Варта адзначыць, што 2020-ы быў знакавым для ўсяго беларускага народа і адзначаны 75-годдзем Перамогі ў Вялікай Айчыннай вайне, што было адлюстравана ва ўсіх напрамках дзейнасці БРСМ. Нягледзячы на складаныя эпідэміялагічныя ўмовы ва ўсіх рэгіёнах вобласці прайшлі мерапрыемствы ў рамках рэалізацыі праекта «Кветкі Вялікай Перамогі». Сімвалы Перамогі ў выглядзе бутоньерак нагадвалі аб вялікім гераічным мінулым народа не толькі на грудзях у ветэранаў, удзельнікаў вайны, удзельнікаў мітынгаў ля мемарыялаў савецкім воінам-пераможцам, але і ў матэрыялах у сацыяльных сетках, дзе да памятных дат былі арганізаваны для моладзі інтэрнэт-чэлендж «75 песень пра вайну», конкурс буктрэйлераў і іншыя.
Напярэдадні Дня Незалежнасці ў рамках рэспубліканскага праекта «Дзень вышыванкі» абласнай арганізацыяй БРСМ была праведзена «Нядзеля вышыванкі», напоўненая разнастайнымі мерапрыемствамі: акцыямі «Падары немаўляці вышыванку», «Вяселле ў вышыванцы», велапрабегі «ровар.by», святочныя канцэрты, праца тэматычных пляцовак.
Гаворачы аб перспектывах на 2021 год, Уладзімір Бабічаў праінфармаваў аб планах аператыўна размяшчаць інфармацыю аб праведзеных мерапрыемствах, ствараць якасны і карысны кантэнт для моладзі.
– Трэба забяспечыць прадуктыўную працу маладзёжных інфармацыйных груп з мэтай выяўлення і вырашэння іх праблем, – адзначыў Уладзімір Генадзьевіч. – Неабходна папрацаваць над пошукам і ўкараненнем новых, актуальных формаў працы ў сетцы інтэрнэт і даступных, крэатыўных інтэрнэт-праектаў, а таксама прымаць удзел у вядзенні тэлеграм-каналаў, як адзінай крыніцы інфармацыі аб рэгіёне для насельніцтва.
Памочнік Прэзідэнта Рэспублікі Беларусь – інспектар па Віцебскай вобласці Анатоль Ліневіч выказаў падзяку за тую вялікую працу, што была праведзена ў мінулым годзе. Гаворачы аб працы з маладымі кадрамі, ён падкрэсліў важнасць іх эфектыўнай матывацыі і навучання.
– Вядома, аб'ём работ вамі выкананы немалы, але хацелася б яшчэ больш, – адзначыў Анатоль Ліневіч. – Хацелася б адзначыць і станоўчыя бакі і крыху закрануць адмоўны, што ў будучыні будзе для вас стымулам да дзеянняў. 2020-ы няпросты год. Але БРСМ годна вытрымаў гэты экзамен. З-за пандэміі давялося скараціць зносіны і больш выступаць на інтэрнэт-пляцоўках, да чаго вы былі недастаткова гатовыя. Гэта адзін з момантаў, які трэба прапрацаваць у гэтым годзе. Менавіта інтэрнэт-рэсурс неабходна сёння максімальна задзейнічаць. Трэба пераймаць вопыт нашых суседзяў – у Расіі, у іх гэтая праца прадстаўлена на высокім узроўні. Жыццё не стаіць на месцы, трэба нешта мяняць і ісці ў нагу з часам.
