У Віцебску адбылася восьмая пазачарговая сесія абласнога Савета дэпутатаў

Гэтыя пытанні абмяркоўваліся на восьмай пазачарговай сесіі абласнога Савета дэпутатаў 29-га склікання.

– Цяпер завяршаюцца ўборачныя работы, ідзе пасяўная кампанія, і для паспяховага іх правядзення неабходна прыняць шэраг карэкціровак у бюджэт, – адзначыў старшыня абласнога Савета дэпутатаў Дзмітрый Дзямідаў, адкрываючы пасяджэнне.

Дэпутаты прынялі рашэнне накіраваць дадатковыя рэсурсы камітэту па сельскай гаспадарцы і харчаванні аблвыканкама для выканання меліяратыўных работ па аднаўленні меліяраваных земляў у суме 3 млн рублёў, на субсідаванне бягучай дзейнасці сельгасвытворцаў і набыццё паліўна-змазачных матэрыялаў – 5 млн рублёў, такую ж суму – для набыцця паліва. Частка сродкаў будзе накіравана на аплату комплексу работ па азёўванні кіслых глеб.

Дзякуючы карэкціроўкам плануецца выканаць і мэтавыя паказчыкі рэгіянальнага комплексу мерапрыемстваў па рэалізацыі Дзяржаўнай праграмы «Аграрны бізнес» на 2021 – 2025 гады, паспяхова завяршыць уборачную і пасяўную кампаніі.

 Будуць знойдзены таксама сродкі для матэрыяльнай падтрымкі грамадзян у перыяд пошуку работы і на арганізацыю часовай занятасці каля 500 непаўналетніх у вольны ад вучобы час.

На пазачарговай сесіі абмеркавалі вынікі папярэдняга разгляду праектаў грамадзянскіх ініцыятыў, накіраваных на паляпшэнне жыцця ў малых гарадах і паселішчах. Дэпутаты прагаласавалі за накіраванне сацыяльна значных праектаў у Віцебскую абласную асацыяцыю мясцовых Саветаў дэпутатаў для правядзення іх адкрытага конкурснага адбору.