У Віцебскай вобласці 80% запланаваных аб’ектаў абсталявалі даступным асяроддзем
"У Віцебскай вобласці на 2022 год было запланавана абсталяваць даступным асяроддзем з улікам комплекснага падыходу 89 аб'ектаў. Па выніках 9 месяцаў ужо 80% з іх гатова. Астатнія аб'екты, па запэўненні ўсіх адказных ведамстваў, будуць абсталяваны на канец года. Таксама ў нас ёсць аб'екты, якія немагчыма абсталяваць даступным асяроддзем з улікам комплекснага падыходу. У гэтых выпадках мы выкарыстоўваем усе магчымасці дзяржаўнага сацыяльнага заказу. Да прыкладу, мы сумесна з грамадскім аб'яднаннем людзей з інваліднасцю Віцебскай вобласці ў тыя будынкі, дзе пражываюць інваліды і якія па тэхнічных умовах немагчыма абсталяваць даступным асяроддзем, набываем гусенічныя пад'ёмнікі. Людзі з інваліднасцю могуць скарыстацца дадзенай паслугай, якую прадастаўляе тэрытарыяльны цэнтр разам з грамадскімі аб'яднаннямі людзей з інваліднасцю", - распавяла Вера Астапенка.
У кастрычніку 2019 года ў Віцебску пачаў працаваць цэнтр прыёму і перадачы інфармацыі ад людзей з інваліднасцю па слыху. Рашэннем Віцебскага аблвыканкама праца цэнтра была распаўсюджана на ўсю вобласць. "Чалавек з інваліднасцю па слыху можа кругласутачна патэлефанаваць нават у святочныя дні ў гэты цэнтр і атрымаць усю неабходную яму інфармацыю. Гэта значыць, чалавек з праблемамі па слыху можа патэлефанаваць у цэнтр і па відэасувязі з дапамогай мовы жэстаў растлумачыць, што яму трэба. Далей супрацоўнік звязваецца з патрэбнай службай і бярэ на сябе рэалізацыю просьбы глухога чалавека", - растлумачыла намеснік старшыні.
Акрамя таго, па праграме "Даступнае асяроддзе" сёлета запланавана набыццё васьмі планшэтаў для паліклінік Віцебска, Полацка, Наваполацка і Оршы. "З іх дапамогай людзі з інваліднасцю па слыху, якія прыйшлі да ўрача на прыём, змогуць звязацца з цэнтрам прыёму і перадачы інфармацыі, таму што не ў кожнага ёсць смартфон. Супрацоўнік цэнтра тут жа звяжацца з урачамі і растлумачыць прычыну звароту пацыента з парушэннем слыху", - заключыла Вера Астапенка.
Праект "Краіна кажа" YouTube-канал БЕЛТА