Віцебскі аблвыканкам прымае ўдзел у арганізацыі гуманітарнай місіі ў Таджыкістан

На аэродроме ў Мачулішчах беларускія ратавальнікі ўжо пагрузілі больш за 40 т гуманітарнай дапамогі ў ваенна-транспартны самалёт Іл-76МД. Пералік грузаў, прапанаваных у якасці гуманітарнай дапамогі, быў прапрацаваны з таджыкскім бокам. МНС аператыўна забяспечыла яго збор з розных арганізацый рэспублікі, у тым ліку з дзяржаўнага матэрыяльнага рэзерва. У склад грузу ўвайшлі электрагенератары, палаткі, прадукты харчавання і вырабы медыцынскага прызначэння. Ваенны борт ажыццявіць рэйс па маршруце аэрадром Мачулішчы - аэрадром Гісар (Айні) Таджыкістана.

У МНС дадалі, па прыбыцці самалёты сустрэнуць калегі з Камітэта па надзвычайных сітуацыях і грамадзянскай абароне пры ўрадзе Рэспублікі Таджыкістан, якія ў далейшым зоймуцца размеркаваннем дапамогі тым, хто ў ёй мае патрэбу. "У Міністэрства па надзвычайных сітуацыях назапашаны значны вопыт у правядзенні падобных місій - больш за 70 разоў беларускія ратавальнікі дастаўлялі гуманітарныя грузы на розныя кантыненты", - адзначылі ў ведамстве.

Фота "Ваяр"

У арганізацыі гуманітарнай місіі задзейнічаны таксама Міністэрства аховы здароўя, Міністэрства прамысловасці, Беларускі дзяржаўны канцэрн па вытворчасці і рэалізацыі тавараў лёгкай прамысловасці, Дзяржаўны камітэт па маёмасці, Брэсцкі і Віцебскі абласныя выканаўчыя камітэты, а таксама Дзяржаўны мытны камітэт. Гуманітарная дапамога аказваецца па даручэнні Савета Міністраў пры агульнай каардынацыі Міністэрства па надзвычайных сітуацыях.-0-