Уладзімір Церанцьеў: сфера ЖКГ патрабуе ўдасканалення, асабліва ў сельскай мясцовасці

Кіраўнік абласнога дэпутацкага корпуса падкрэсліў, што жыллёва-камунальны комплекс рэгіёна патрабуе іншага, больш сучаснага падыходу ў сваім развіцці. "Развіццё жыллёва-камунальнай гаспадаркі актуальна не толькі ў нашай вобласці, але і ў рэспубліцы. У гэтай сферы на Віцебшчыне робіцца многае - як ва ўдасканаленні якасці пітной вады, так і тарыфнай палітыцы, па капітальных і бягучых рамонтах жылля. Але раз сёння працягваюць паступаць скаргі ад насельніцтва, а ў вобласці ЖКГ іх большая колькасць, то гэта значыць, што мы пакуль недапрацоўваем. І мы павінны прыкласці максімум намаганняў, а гэта датычыцца не толькі камунальнікаў, але і органаў выканаўчай улады, каб паведамляць тыя пытанні, якія не вырашаюцца, і іх трэба вырашаць. Сёння мы шмат крытыкуем, і, напэўна, правільна крытыкуем. Аднак калі мы гаворым пра тую ж службу 115, то мала хто задумваецца, што толькі ў Віцебску на яе паступае ад 500 паведамленняў у суткі. А ў перыяд, калі ўключаецца ацяпленне і ўтвараецца заваздзяванне, іх колькасць перавышае і тысячу, і ўсе гэтыя пытанні трэба вырашаць. Ва ўмовах, калі не хапае кадраў, трэба вырашаць і праблему падрыхтоўкі спецыялістаў, змены іх заработнай платы", - адзначыў Уладзімір Цярэнцеў.

Старшыня аблсавета дэпутатаў таксама падкрэсліў, што пытанне варта разглядаць шырэй, закранаючы сферу дарожнага будаўніцтва і рамонту, добраўпарадкавання. У цэлым у Віцебскай вобласці сістэма ЖКГ адладжваецца, але ў ёй варта выходзіць на больш высокі ўзровень. "У буйных гарадах сістэма жыллёва-камунальнай гаспадаркі больш-менш адладжваецца, а ў сельскай мясцовасці яе трэба яшчэ больш удасканальваць. Пры падрыхтоўцы да сённяшняй сесіі мы запыталі ў раённых Саветах дэпутатаў, сельсаветах праблемныя пытанні, і да нас паступіла 117 зваротаў - ад прыватнага характару, напрыклад, пераносу прыпынкаў і рамонту мастоў, да больш глабальнага. Іх мы ўзялі на кантроль і будзем рабіць максімум магчымага, каб вырашыць гэтыя праблемы", - растлумачыў Уладзімір Цярэнцьеў.

Таксама ён акцэнтаваў увагу кіраўнікоў раёнаў і адпаведных службаў, як важна размаўляць з насельніцтвам, даносіць ім інфармацыю аб капітальным, бягучым рамонце, планаваных працах, якія можна выканаць у тых фінансавых межах, якія прадастаўляе бюджэт. "Людзі павінны ведаць усё гэта. І калі яны зразумеюць, што праца не стаіць на месцы, а бюджэт не гумовы, нешта можа змяніцца ў характары іх зваротаў", - рэзюмаваў кіраўнік дэпутацкага корпуса вобласці.

БЕЛТА.