Завод «Віцязь» у 2023 годзе амаль удвая павялічыў выпуск тэлевізараў
– У цэлым па прадпрыемстве рост аб'ёмаў склаў звыш 50 працэнтаў. Прыкладна напалову выраслі і экспартныя пастаўкі. Акрамя Беларусі сёння мы актыўна экспартуем сваю прадукцыю на рынак Расійскай Федэрацыі, у Казахстан і іншыя краіны СНД.
Характэрна, што ў мінулым годзе заводчане асвоілі і новыя віды вырабаў, многія з якіх носяць статус інавацыйнай і імпартазамяшчальнай прадукцыі. Так, ААТ «Віцязь» стаў выпускаць ацяпляльныя катлы, значна пашырыў гаму вырабляемай медыцынскай тэхнікі. Сёлета тут запланавана рэалізацыя яшчэ некалькіх інавацыйных праектаў, у тым ліку з удзелам расійскіх партнёраў.
На прадпрыемстве адзначаюць: папулярнасць айчынных тавараў сярод беларусаў расце. Тым больш што дзяржава з дапамогай фінансавых арганізацый гатова аказаць падтрымку ўсім яго пакупнікам, прадастаўляючы зніжкі і растэрміноўкі на аплату.