Арцём Саратакін з Дубровенскага раёна стаў першым у Віцебскай вобласці «двухтысячнікам» сярод моладзевых экіпажаў
Аграрыя павіншавалі старшыня Віцебскага аблвыканкама Аляксандр Субоцін, памочнік Прэзідэнта Рэспублікі Беларусь – інспектар па Віцебскай вобласці – Уладзімір Юргевіч, старшыня абласной прафсаюзнай арганізацыі АПК Таццяна Дзіканова, кіраўніцтва Дубровенскага райвыканкама. Хлебароб узяў двухтысячны ру_беж на айчынным КЗС-1218 на адным з палёў з яравой пшаніцай.
Аляксандр Субоцін падзякаваў камбайнера за самаадданую працу, падкрэсліўшы, што нама_лоціць 2 тысячы тон у гэты няпросты час – гэта подзвіг.
– Гэта не мяжа. Вас чакаюць наперадзе новыя тысячы і новыя рэкорды. Дабіваецца поспехаў той, хто ўкладвае ў сваю справу прафесіяналізм і майстэрства. Дзякуй ад усёй Віцебшчыны. Поспехаў вам у бітве за ў_рожай, моцнага здароўя, міру. Няхай у вас усё атрымліваецца, – звярнуўся да аграрыяў сельгаспрадпрыемства кіраўнік вобласці.
Працавіты і сціплы хлопец Арцём Саратакін – лідар у_борачнай страды з году ў год. Ён неаднаразова ўшаноўваўся на абласных «Дажынках». Для Арцёма гэта 7-я па ліку жніво. Дынастычны аграрый, які пайшоў па слядах бацькі-механізатара, кажа: праца на зямлі – гэта мая стыхія, маё жыццё.
– Нашаму раёну, вобласці і краіне ёсць чым ганарыцца. Мы жывём пад мірным небам, вырошчваем хлеб, сваімі сіламі зарабляем. Гэта трэба цаніць і берагчы. Мы, аграрыі, будзем рабіць усё, каб забяспечыць харчовую бяспеку краіны, – з гонарам падкрэсліў Арцём Саратакін.
Сёння ў Дубровенскім раёне 28 камбайнераў, якія нама_лоцілі больш за тысячу тон збожжавых і рапсу. Раён пе_ра_адолеў экватар з намалотам 51327 тон збожжа пры сярэдняй у_раджайнасці 38 ц/га.