Дзелавы візіт арганізаваў Цэнтр міжнароднага супрацоўніцтва Смаленскай вобласці. Дэлегацыю ўзначаліў дырэктар гэтага цэнтра Арцём Джонс. У яе таксама ўвайшлі прадстаўнікі камбінатаў, якія займаюцца забеспячэннем школьнага харчавання ў Смаленску.
Адпаведнае супрацоўніцтва ў розных сферах эканомікі, культуры, сацыяльнага развіцця, адукацыі стала магчымым дзякуючы ўмацаванню сувязяў Смаленшчыны і Беларусі.
Генеральны дырэктар ААТ Сталовая «Смаленская бістра» Алена Карпянкова, генеральны дырэктар ТАА КП «Задняпроўе» Валянціна Хракава, індывідуальны прадпрымальнік Наталля Барынава цікавіліся ўсім: арганізацыяй працэсу прыгатавання ежы, ажыццяўленнем кантролю за сталовымі, фінансавай дапамогай сем'ям, якія выхоўваюць дзяцей…
Асаблівую цікавасць выклікалі матэрыяльна-тэхнічнае аснашчэнне харчовых блокаў, выкананне пытанняў санітарыі і гігіены, збалансаванасць і карысць гатовых страў, а таксама вынікі пілотнага праекта па арганізацыі школьнага харчавання, праведзенага ў 2022/2023 навучальным годзе.
Смалянам не толькі поўна адказалі на іх пытанні, але і прадэманстравалі сталовыя гімназій № 2 і № 7 ім. М. Дзянісенкі, а таксама СШ № 46 ім. І. Баграмяна. Удзельнікі дэлегацыі на свае вочы ўбачылі, як арганізаваны працоўны працэс ад замовы прадуктаў, іх захоўвання да прыгатавання і падачы.
Да прыкладу, у гімназіі № 2, дзе харчаванне на арандаваных плошчах арганізуе ААТ «Вітміл», за дзень кормяць больш за тысячу школьнікаў і настаўнікаў. Пры гэтым на харчаблоку занята ўсяго шэсць чалавек, двое з якіх – кухары. У дзве змены арганізавана харчаванне, якое ўключае сняданкі і абеды. У тым ліку для старшакласнікаў, якія знаходзяцца на прафілізацыі, займаюцца па індывідуальных планах або падрыхтоўкай да алімпіяд. Дзеці з шматдзетных сем'яў атрымліваюць абеды і падвячоркі. Па асобным графіку кормяць вучняў пачатковых класаў з груп прадоўжанага дня. Да сервіроўкі сталоў прыцягваюць дзяжурных з ліку гімназістаў. Ва ўстанове адукацыі працуе буфет, дзе можна перакусіць свежымі салатамі, выпечкай уласнага вытворчасці або чымсьці больш сытным.
Госці пазнаёміліся з адказнымі за арганізацыю харчавання і кухарамі, прадэгуставалі стравы з меню.
Удзельнікі сустрэчы дамовіліся працягваць супрацоўніцтва і абменьвацца паспяховымі практыкамі арганізацыі школьнага харчавання.
Цэнтр міжнароднага супрацоўніцтва Смаленскай вобласці дзякуе за дапамогу ў арганізацыі дзелавой сустрэчы намесніка старшыні Віцебскага гарвыканкама Віктара Глушына і дырэктара ААТ «Вітміл» Генадзя Міхалко.
"Віцебскія весці"
