Ігар Сяргеенка наведаў шэраг аб'ектаў УП «Віцебскаблгаз»
Старшыня Палаты прадстаўнікоў, упаўнаважаны прадстаўнік кіраўніка дзяржавы ў Віцебскай вобласці Ігар Сяргейка перад ушанаваннем лаўрэатаў ганаровага звання «Чалавек года Віцебшчыны-2025» наведаў шэраг аб'ектаў УП «Віцебскаблгаз».
Найбуйнейшая газаразмеркавальная арганізацыя краіны мае звыш 500 тыс. абанентаў, тут працуюць 3 тыс. чалавек.
Спікер сустрэўся з працоўным калектывам апарату кіравання прадпрыемства, азнаёміўся з работай Цэнтра па тэхнічным абслугоўванні спажыўцоў, офіса цыфравізацыі ПУ «АйЦіГаз».
– Ад дзейнасці вашага прадпрыемства залежыць работа прамысловасці, камфортныя ўмовы жыцця насельніцтва і ў цэлым будучыня краіны, – звяртаючыся да апарату кіравання, падкрэсліў Ігар Сяргейка.
Ён распавёў пра дзейнасць Палаты прадстаўнікоў, адзначыўшы, што ўсе законы нараджаюцца ад практыкі прымянення па тым ці іншым напрамку. Дэпутаты сустракаюцца з выканаўчай уладай, кіраўнікамі арганізацый, працоўнымі калектывамі, атрымліваючы і вывучаючы неабходную інфармацыю, якая ў далейшым трансфармуецца ў заканадаўчыя акты.