Арганізацыя ўборкі ўраджаю і сяўба азімых культур пад ураджай 2027 года абмяркоўваліся на пасяджэнні аблвыканкама
30.06.2026
Арганізацыя ўборкі ўраджаю і сяўба азімых культур пад ураджай 2027 года абмяркоўваліся на пасяджэнні аблвыканкама.
Як паведаміў старшыня камітэта па сельскай гаспадарцы і харчаванні аблвыканкама Андрэй Булаўкін, уборачная кампанія стартуе прыкладна праз два тыдні. Трэба будзе абмалаціць 298 тыс. га збожжавых і зернебабовых культур і 75 тыс. га рапсу. Плануецца атрымаць парадку 1 млн т збожжа. У бліжэйшыя дні пачнецца трашчэнне лёну, пад які адведзена 11,3 тыс. га. Вядзецца актыўная праца па падрыхтоўцы камбайнаў. У гэтым годзе закупка запчастак ідзе цэнтралізавана праз облаграсервіс.
На дапамогу аграрыям будзе прыцягнута больш за 1,1 тыс. чалавек – механізатараў і кіроўцаў з прамысловых прадпрыемстваў і з розных арганізацый, студэнтаў і выпускнікоў навучальных устаноў, а таксама амаль 50 вайскоўцаў.
На другім этапе ўборкі ўраджаю ў другой палове верасня трэба будзе абмалаціць кукурузу на збожжа, якой пасеяна ў тры разы больш за мінулагодні. Для гэтага абноўлена тэхніка, закупляюцца плюшчылкі, 30 спецыялізаваных камбайнаў, прыстаўкі на кормаўборачныя камбайны.
– Ідзе сістэмная праца, каб Віцебская вобласць была з ураджаем і канцэнтратамі для жывёлагадоўлі, – падкрэсліў Андрэй Булаўкін.
Кіраўнік аблсельгаспрода, закранаючы бягучую сітуацыю на палях, адзначыў, што завяршаецца першы ўкос шматгадовых траў. На ўмоўную галаву жывёлы пакуль нарыхтавана 9 цэнтнераў кармавых адзінак, што на 2,5 ц. к. адз. больш за мінулы год.