Рэспубліканскі суботнік прайшоў у Віцебскай вобласці.
Актывісты структурных падраздзяленняў Віцебскай абласной арганізацыі ЛДПБ прынялі ўдзел у Рэспубліканскім суботніку, дзе наводзілі парадак на прыдарожных тэрыторыях вуліц сваіх гарадоў і пасёлкаў, паркаў адпачынку і дваровых пляцоўках.
Працоўным дэсантам Ліберал-дэмакратаў Беларусі было сабрана каля 46 (сарака шасці) 200-літровых мяшкоў смецця, зроблена санітарная абрэзка дрэў і кустоў, пафарбаваны бардзюры, лаўкі і элементы вулічнага дэкору.
Ігар Цеплякоў: Наша партыя стараецца пастаянна праводзіць усемагчымыя мерапрыемствы па добраўпарадкаванні і навядзенні парадку на зямлі. Мы не хочам заставацца ўбаку і з разуменнем уносім свой пасільны, добраахвотны ўклад у добраўпарадкаванне нашых вуліц, двароў, прыбярэжных зон і паркаў, робячы іх чысцейшымі, утульнейшымі і прыгажэйшымі. Наша праца на карысць грамадства таксама з'яўляецца і станоўчым, бачным прыкладам для кожнага грамадзяніна нашай краіны і, што не мала важна, для нашага падрастаючага маладога пакалення! А ў год добраўпарадкавання - гэта асабліва атмасферна, жыццёва важна і больш чым актуальна!
Калектыў адміністрацыі Кастрычніцкага раёна Віцебска, ІМПС Віцебскай вобласці, ІМПС Кастрычніцкага раёна Віцебска, аддзела па адукацыі і ўстаноў адукацыі пад кіраўніцтвам главы адміністрацыі Уладзіміра Белевіча ў рамках рэспубліканскага суботніка сёння наводзілі парадак у парку ім. Савецкай Арміі (Мазурына).
Работнікі Пастаўскага райвыканкама прыводзяць у парадак тэрыторыю каля ФАК.
У рамках рэспубліканскага суботніка каля будуемага духоўна-асветніцкага цэнтра з храмам у гонар Святога Архангела Міхаіла наваполачане высадзілі 80 саджанцаў яблынь. Лічба сімвалічная – яна сімвалізуе 80-годдзе Перамогі ў Вялікай Айчыннай вайне. Удзел у мерапрыемстве прынялі прадстаўнікі гарадскіх улад, прадпрыемстваў і ўстаноў.
Рэспубліканскі суботник аб'яднаў дубровенцаў ад малога да вялікага ў імкненні навесці парадак на роднай зямлі. Уборкай тэрыторыі, высечкай хмызняку, навядзеннем парадку на месцах воінскіх пахаванняў і тэрыторыях прадпрыемстваў, арганізацый займаюцца жыхары Дубровенскага раёна і сельскіх населеных пунктаў.
Пладатворна праходзіць суботник у Талачынскім раёне. Па ўсім горадзе і ў сельскіх населеных пунктах наводзяць парадак – чысцяцца вуліцы, двары, аб'екты культурнага прызначэння, месцы воінскіх пахаванняў, тэрыторыі арганізацый і ўстаноў. Актыўную працу вядуць працоўныя калектывы, навучэнцы школ і жыхары горада.
На ўборку вуліц і добраўпарадкаванне тэрыторый у Міёрах выйшлі прадстаўнікі працоўных калектываў на чале з кіраўніцтвам раёна. Усяго па раёне працуе на суботніку звыш 5 тысяч чалавек.
Камітэт па архітэктуры і будаўніцтве Віцебскага аблвыканкама на рэспубліканскім суботніку працаваў на будаўніцтве новага хірургічнага корпуса абласной клінічнай бальніцы.
У Лепельскім раёне лакацыяй па навядзенні парадку стала тэрыторыя гарадскога і Камсамольскага паркаў, а таксама набярэжная возера Лепельскае. Тут працуюць работнікі райвыканкама, сістэмы адукацыі і іншыя актыўныя лепельчане.
Шаркаўшчынскі раён далучыўся да рэспубліканскага суботніка. Работнікі ўсіх прадпрыемстваў і арганізацый працуюць на аб'ектах. Актыў райвыканкама сумесна з Іёдскім сельскім саветам, работнікамі арганізацый і ўстаноў, размешчаных на яго тэрыторыі, і навучэнскай моладдзю добраўпарадкуюць аграгарадок Іёды.
Шаркаўчане прымаюць актыўны ўдзел у Рэспубліканскім суботніку.
Актыў Расонскага райвыканкама добраўпарадкуе тэрыторыю Музея баявой садружнасці, адкрыццё якога запланавана ў маі.
Калектыў адміністрацыі Першамайскага раёна Віцебска пад кіраўніцтвам главы адміністрацыі Яўгена Семянёнычава разам з ТЦСАН раёна прымаюць удзел у рэспубліканскім суботніку і працуюць над добраўпарадкаваннем тэрыторыі лазнева-аздараўленчага комплексу па вуліцы Воінаў-інтэрнацыяналістаў.
Кіраўніцтва Бешанковіцкага раёна працуе ў парку камсамольцаў над планіроўкай тэрыторыі.
На мемарыяльным комплексе "Хадароўка" наводзяць парадак калектывы Докшыцкага раённага выканаўчага камітэта і раённага Савета дэпутатаў.
У рамках рэспубліканскага суботніка на чале са старшынёй Сенненскага райвыканкама Алегам Макарэвічам, старшынёй раённага Савета дэпутатаў Міхаілам Вілюго, структурныя падраздзяленні райвыканкама добраўпарадкавалі тэрыторыю Парка 40-годдзя Перамогі.
Работнікі Верхнядзвінскага райвыканкама, упраўленняў па працы, занятасці і сацыяльнай абароне і па сельскай гаспадарцы і харчаванні, фінансавага аддзела, праектнага бюро і ЦРБ наводзяць парадак у гарадскім скверы.
Калектыў адміністрацыі Чыгуначнага раёна г.Віцебска пад кіраўніцтвам кіраўніка адміністрацыі Аляксандра Сысоева разам з прадстаўнікамі працоўных калектываў ААТ "Даламіт", ДУА "Дзіцячы сад №10", ДУА "Дзіцячы сад №19" наводзяць парадак у мікрараёне Руба.
Супрацоўнікі Цэнтра культуры «Віцебск» з энтузіязмам прынялі ўдзел у рэспубліканскім суботніку. Правялі прыборку ў філіялах установы, добраўпарадкавалі прылеглыя тэрыторыі, а таксама прывялі ў парадак пахаванні калег. А ў парку імя Савецкай Арміі да супрацоўнікаў для навядзення чысціні далучыліся служачыя 103-й Віцебскай асобнай гвардзейскай паветрана-дэсантнай брыгады.
Грашовыя сродкі, заробленыя ў дзень правядзення суботніка, у тым ліку на працоўных месцах, пойдуць на будаўніцтва Нацыянальнага гістарычнага музея Беларусі.
Як паведамлялася раней, Прэзідэнт Беларусі Аляксандр Лукашэнка 5 лютага падпісаў указ №50, якім прадугледжваецца будаўніцтва ў 2025-2027 гадах у раёне вуліцы Арлоўскай у Мінску Нацыянальнага гістарычнага музея Беларусі, парку Народнага адзінства і стварэнне пастаяннай экспазіцыі музея. Музею прысвоены статус Усебеларускай маладзёжнай будоўлі, удзел у якой могуць прыняць маладыя людзі ва ўзросце да 31 года, у тым ліку ў складзе студэнцкіх атрадаў. Новы будынак праектуецца ў форме карты Беларусі.
Віцебскія весці