Кіраўніцтва Віцебскай вобласці віншуе з Днём Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь

Паважаныя суайчыннікі!

Віншуем вас з Днём Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь!

Гэта свята аб'ядноўвае нас і нагадвае аб нашай агульнай культуры і духоўных каштоўнасцях, якія мы беражліва захоўваем і перадаем з пакалення ў пакаленне.

Нашы дзяржаўныя сімвалы – гэта ўвасабленне шматвяковай гісторыі беларускага народа, яго імкненняў і дасягненняў. І асабліва прыемна, што ў іх стварэнні ёсць часцінка нашай роднай Віцебшчыны. Аўтар музыкі гімна Нестар Сакалоўскі нарадзіўся ў Докшыцах, а ўзор, вышыты Мацрэнай Маркевіч з Сенна, стаў нацыянальным арнаментам сцяга. Мы ганарымся, што нашы землякі ўнеслі свой уклад у стварэнне атрыбутаў дзяржаўнасці.

Сцяг, герб і гімн уяўляюць нашу незалежнасць, суверэнітэт і нацыянальную ідэнтычнасць. Гэта арыенціры, якія дапамагаюць нам рухацца наперад, будаваць моцную і квітнеючую Беларусь.

Няхай над нашай краінай заўсёды будзе чыстае неба, а ў нашых дамах пануюць мір і згода!

А.М.Рагожнік, старшыня Віцебскага абласнога выканаўчага камітэта

Д.В.Дзямідаў, старшыня Віцебскага абласнога Савета дэпутатаў