Сёньня пачынаецца датэрміновае галасаваньне на выбарах Прэзыдэнта Беларусі
Сёння пачынаецца датэрміновае галасаванне на выбарах Прэзідэнта Рэспублікі Беларусь.
Датэрміновае галасаванне пройдзе з 21 па 25 студзеня 2025 года. У гэты перыяд маюць права прагаласаваць выбаршчыкі, якія не змогуць прыйсці на ўчасткі 26 студзеня. Падчас датэрміновага галасавання ўчастковыя камісіі будуць працаваць з 12.00 да 19.00 без перапынку.
26 студзеня, у асноўны дзень выбараў, галасаванне будзе праходзіць з 8.00 да 20.00.
На тэрыторыі краіны ўтворана 5325 участкаў для галасавання. Выбаршчыкі, уключаныя ў спісы, змогуць атрымаць бюлетэнь для галасавання пры прад'яўленні пашпарта (ID-карты). Акрамя таго, можна прад'явіць і іншы дакумент, які пацвярджае асобу, - пасведчанне кіроўцы, пасведчанне інваліда (калі ў ім ёсць фота) або пенсійнае пасведчанне. Для вайскоўцаў тэрміновай службы прадугледжана прадастаўленне ваеннага білета, для работнікаў дзяржаўных органаў і арганізацый - службовага пасведчання. Калі грамадзянін страціў пашпарт (ID-карту) або яго выкралі, то органы ўнутраных спраў выдаюць адпаведныя даведкі, якія пацвярджаюць асобу. Моладзь можа прагаласаваць па студэнцкім білеце або білеце навучэнца.
Галасавальныя бюлетэні выраблены на беларускай мове. У гэтай кампаніі яны дапоўнены прыпіскай для выбаршчыкаў - папярэджаннем аб тым, што закон забараняе фота- і відэаздымку запоўненага бюлетэня, а таксама вынас бюлетэняў за межы памяшкання для галасавання. З адваротнага боку бюлетэнь мае каляровую абарону. Напярэдадні галасавання не менш як два члены ўчастковай камісіі павінны паставіць подпісы на адваротным баку бюлетэня. У выпадку адсутнасці такіх подпісаў бюлетэні будуць прызнавацца несапраўднымі.
У дзень выбараў магчыма галасаванне на даму па заявах выбаршчыкаў. Калі выбаршчык па стане здароўя або па іншых уважлівых прычынах не зможа прыйсці ў памяшканне для галасавання, ён мае права пісьмова або вусна звярнуцца ў адпаведную ўчастковую камісію з просьбай арганізаваць галасаванне па месцы яго знаходжання. Выбаршчык можа перадаць такую просьбу ва ўчастковую камісію пры садзейнічанні іншых асоб, напрыклад, сваякоў, суседзяў. Афіцыйнага пацвярджэння прычын немагчымасці прыйсці ў памяшканне для галасавання не патрабуецца. Выбаршчык можа звярнуцца з просьбай аб арганізацыі галасавання па месцы свайго знаходжання аж да 18.00 26 студзеня.
На сайце ЦВК Беларусі працуе сэрвіс па пошуку ўчастка для галасавання. Указаўшы неабходныя даныя, любы выбаршчык можа даведацца, дзе знаходзіцца яго ўчастак для галасавання, каб прыняць удзел у важнай для краіны падзеі - выбарах Прэзідэнта Рэспублікі Беларусь.-0-
Датэрміновае галасаванне пройдзе з 21 па 25 студзеня 2025 года. У гэты перыяд маюць права прагаласаваць выбаршчыкі, якія не змогуць прыйсці на ўчасткі 26 студзеня. Падчас датэрміновага галасавання ўчастковыя камісіі будуць працаваць з 12.00 да 19.00 без перапынку.
26 студзеня, у асноўны дзень выбараў, галасаванне будзе праходзіць з 8.00 да 20.00.
На тэрыторыі краіны ўтворана 5325 участкаў для галасавання. Выбаршчыкі, уключаныя ў спісы, змогуць атрымаць бюлетэнь для галасавання пры прад'яўленні пашпарта (ID-карты). Акрамя таго, можна прад'явіць і іншы дакумент, які пацвярджае асобу, - пасведчанне кіроўцы, пасведчанне інваліда (калі ў ім ёсць фота) або пенсійнае пасведчанне. Для вайскоўцаў тэрміновай службы прадугледжана прадастаўленне ваеннага білета, для работнікаў дзяржаўных органаў і арганізацый - службовага пасведчання. Калі грамадзянін страціў пашпарт (ID-карту) або яго выкралі, то органы ўнутраных спраў выдаюць адпаведныя даведкі, якія пацвярджаюць асобу. Моладзь можа прагаласаваць па студэнцкім білеце або білеце навучэнца.
Галасавальныя бюлетэні выраблены на беларускай мове. У гэтай кампаніі яны дапоўнены прыпіскай для выбаршчыкаў - папярэджаннем аб тым, што закон забараняе фота- і відэаздымку запоўненага бюлетэня, а таксама вынас бюлетэняў за межы памяшкання для галасавання. З адваротнага боку бюлетэнь мае каляровую абарону. Напярэдадні галасавання не менш як два члены ўчастковай камісіі павінны паставіць подпісы на адваротным баку бюлетэня. У выпадку адсутнасці такіх подпісаў бюлетэні будуць прызнавацца несапраўднымі.
У дзень выбараў магчыма галасаванне на даму па заявах выбаршчыкаў. Калі выбаршчык па стане здароўя або па іншых уважлівых прычынах не зможа прыйсці ў памяшканне для галасавання, ён мае права пісьмова або вусна звярнуцца ў адпаведную ўчастковую камісію з просьбай арганізаваць галасаванне па месцы яго знаходжання. Выбаршчык можа перадаць такую просьбу ва ўчастковую камісію пры садзейнічанні іншых асоб, напрыклад, сваякоў, суседзяў. Афіцыйнага пацвярджэння прычын немагчымасці прыйсці ў памяшканне для галасавання не патрабуецца. Выбаршчык можа звярнуцца з просьбай аб арганізацыі галасавання па месцы свайго знаходжання аж да 18.00 26 студзеня.На сайце ЦВК Беларусі працуе сэрвіс па пошуку ўчастка для галасавання. Указаўшы неабходныя даныя, любы выбаршчык можа даведацца, дзе знаходзіцца яго ўчастак для галасавання, каб прыняць удзел у важнай для краіны падзеі - выбарах Прэзідэнта Рэспублікі Беларусь.-0-