У Глыбокім стартаваў «Вішнёвы фестываль»

«Вішнёвы фестываль» зноў ператварыў Глыбокае ў чароўнае горад, напоўнены густам спелай і сакавітай ягады. Каралева «Вішнёвай сталіцы» злучыла ў адно дзеянне казку і быль, напоўніла свята самымі рознымі конкурсамі, канцэртамі, сустрэчамі. Фестываль палюбіўся беларусам, знайшоў сяброў за межамі краіны. У Глыбокае прыехалі дэлегацыі і творчыя калектывы з Тамбоўскай і Смаленскай абласцей Расійскай Федэрацыі, Грузіі, Латвіі, Арменіі, Індыі, Карэі, Японіі.

Жыццё паказала, што аднаго дня для такога мерапрыемства мала. Таму сёлета яго пачалі напярэдадні выходных. Старт даў моладзевы форум, удзел у якім узялі прадстаўнікі маладога пакалення васьмі раёнаў вобласці. І першая тэма для абмеркавання — «Значэнне фестывальнага руху ў прасоўванні брэндаў, наладжванні партнёрскіх адносін і захаванні культурных традыцый».

Моладзь заклала вішнёвы сад на тэрыторыі рэзідэнцыі Вішнёвай Каралевы, стала першай наведвальніцай выставы «Традыцыі і культура Японіі», разгорнутай у выставачнай зале гісторыка-этнаграфічнага музея. Сама ж «Вішнёвая каралева» прымала гасцей у сваёй рэзідэнцыі, дзе адказвала на пытанні дапытлівых гасцей аб гісторыі фестывалю, яго традыцыях, чым будзе здзіўляць на гэты раз, прапаноўвала пазнаёміцца з творчасцю мясцовых майстроў на выставе, разгорнутай у яе сядзібе. Самі ж майстры, і не толькі глыбоцкія, якія займаюцца лозапляценнем, у гэты час сабраліся на пленэр.

Дзеці забаўляюцца на шматлікіх атракцыёнах, маладыя людзі з задавальненнем удзельнічаюць у квэсце, гуляюць у пляжны валейбол. А ўвечары на цэнтральнай плошчы горада збяруцца аматары этна-вечарынкі, якая плаўна пяройдзе ў Хіт-парад-дыска і файер-шоу.

Заўтра фестываль загучыць новымі фарбамі, арганізатары свята абяцаюць, што кожны ўдзельнік знойдзе сабе занятак ці забаву па душы.

"Віцебскія весці"