У Віцебску адбыўся дабрачынны хакейны матч!
У Ледовым палацы спорту Віцебска адбыўся дабрачынны хакейны матч «На Дзвіне», які стаў яркай спартыўнай падзеяй напярэдадні навагодніх святаў і аб'яднаў сотні заўзятараў вакол важнай і высакароднай мэты.
Арганізатарамі мерапрыемства выступілі Віцебскі абласны Савет дэпутатаў, упраўленне спорту і турызму Віцебскага аблвыканкама, СУ «Віцебскі хакейны клуб».
Галоўнай мэтай матчу стаў збор сродкаў на набыццё рэабілітацыйнага абсталявання для Віцебскага абласнога дзіцячага клінічнага цэнтра.
З прывітальным словам да ўдзельнікаў і гледачоў звярнуўся старшыня Віцебскага абласнога Савета дэпутатаў Дзмітрый Дзямідаў:
«Добры вечар, паважаныя аматапы хакея – самага народнага і папулярнага ў нашай краіне віду спорту! Ад імя Віцебскага абласнога Савета дэпутатаў я шчыра рады вітаць вас на цырымоніі адкрыцця дабрачыннага хакейнага матчу. Напярэдадні навагодніх і калядных святаў для нас стала добрай традыцыяй праводзіць акцыі і мерапрыемствы з мэтай аказання дапамогі тым, хто ў ёй асабліва мае патрэбу. Шчыра дзякую кіраўніцтва хакейнага клуба „Віцебск“ і кампанію партнёра за выдатную ініцыятыву па арганізацыі дабрачыннага матчу паміж камандай майстроў і зборнай папулярных хакейных блогераў з Расійскай Федэрацыі. Выручаныя сродкі ад матчу будуць накіраваны на набыццё рэабілітацыйнага абсталявання для Віцебскага абласнога дзіцячага клінічнага цэнтра. Гэты спартыўны праект першы для паўночнай сталіцы, але я ўпэўнены, што ён стане неад'емнай часткай у скарбонцы добрых спраў і заложыць традыцыю падобных дабрачынных перадсвяточных хакейных матчаў. Нашым лядовым дружынам жадаю прыгожай гульні, заўзятарам яркіх эмоцый, а ўсім нам шчасця, здароўя, міру і дабрабыту ў новым годзе. З надыходзячым вас Новым годам і Калядамі Хрыстовымі!»
Перад пачаткам матча гасцей чакала насычаная забаўляльная праграма: урачыстае адкрыццё з удзелам ганаровых гасцей, выступленне кавер-гурта «Ч.Т.О.» і актыўнасці ад тытульнага партнёра — ТАА «Бізон Бэт», якія стварылі па-сапраўднаму святочную атмасферу на арэне.
На лёдзе сустрэліся каманды «Паўночныя Мядзведзі» (Віцебск) і «Хорс Медыя» (Масква). Гульня атрымалася напружанай, дынамічнай і відовішчнай, не пакінуўшы абыякавымі ні заўзятараў, ні саміх удзельнікаў.
Матч завяршыўся рэзультатыўнай нічыёй з лікам 8:8, а галоўным вынікам вечара стала агульная перамога дабра — удзельнікі і гледачы не толькі падарылі сабе яркія эмоцыі, але і заклалі новую добрую традыцыю перад навагодніх дабрачынных хакейных сустрэч, якія, несумненна, стануць важнай часткай спартыўнага і грамадскага жыцця рэгіёна.