У Віцебскай вобласці стартаваў прыём заявак праектаў грамадзянскіх ініцыятыў!

Запрашаем выступіць з ініцыятывай, накіраванай на развіццё тэрыторыі, павышэнне якасці жыцця насельніцтва і добраўпарадкаванне населеных пунктаў.

Прыняць удзел могуць грамадзяне, якія дасягнулі 18 гадоў, якія пражываюць на тэрыторыі адпаведнай адміністрацыйна-тэрытарыяльнай адзінкі.

Тэрмін падачы праектаў — да 31 студзеня 2026 года.

Рэалізацыя ініцыятыў — на працягу 2026 года.

Праекты неабходна накіроўваць у Віцебскі абласны Савет дэпутатаў:

• на папяровым носьбіце па адрасе: 210010, г. Віцебск, вул. Гогаля, 6, каб. 207;

• альбо на e-mail: osd@vitobl.by з паметкай «Праект грамадзянскай ініцыятывы» (у фармаце PDF).

Да праекта прыкладаецца заяўка, якая змяшчае звесткі пра ініцыятара — прозвішча, уласнае імя, імя па бацьку, дата нараджэння, месца пражывання і кантактныя даныя.

Праекты, якія прайшлі папярэдні разгляд, будуць дапушчаны да адкрытага конкурса адбору, які правядзе Віцебская абласная асацыяцыя мясцовых Саветаў дэпутатаў.

Пры ацэнцы заявак конкурсная камісія будзе ўлічваць:

• актуальнасць і абгрунтаванасць ініцыятывы,

• прадуманасць дзеянняў і рэалістычнасць выканання,

• чаканы сацыяльны, эканамічны і экалагічны эфект,

• уцягнутасць мясцовых органаў, арганізацый і грамадзян,

• інавацыйныя падыходы і інш.

Пераможцы конкурсу атрымаюць фінансавую падтрымку на рэалізацыю сваіх праектаў, пры гэтым ініцыятар павінен забяспечыць суфінансаванне не менш за 10% ад запытанай сумы.

Па ўсіх пытаннях можна звяртацца ў выканаўчую дырэкцыю Віцебскай абласной асацыяцыі мясцовых Саветаў дэпутатаў (8 0212 223493).