У Віцебскай вобласці стартуе абласны агляд-конкурс маладзёжных ініцыятыў «Праектуй будучыню - 2026»

Віцебская абласная асацыяцыя мясцовых Саветаў дэпутатаў аб'яўляе аб правядзенні абласнога агляду-конкурсу маладзёжных ініцыятыў «Праектуй будучыню - 2026».

Мэта конкурсу

Конкурс накіраваны на стварэнне ўмоў для падтрымкі актыўнага ўдзелу маладых грамадзян у сацыяльна-эканамічных і грамадска-палітычных працэсах, фарміраванне і рэалізацыю дзяржаўнай маладзёжнай палітыкі, садзейнічанне развіццю мясцовага самакіравання.

Хто можа ўдзельнічаць?

Да ўдзелу запрашаюцца грамадзяне Рэспублікі Беларусь ва ўзросце да 31 года, зарэгістраваныя і пражываючыя на тэрыторыі Віцебскай вобласці.

Конкурс праводзіцца па наступных сферах:

- распрацоўка вобраза населенага пункта
- ландшафт
- архітэктура
- творчасць
- спорт
- моладзь
- сацыяльная актыўнасць і валанцёрства

Патрабаванні да праектаў

Удзельнікі прадстаўляюць інавацыйныя праекты (ініцыятывы), накіраваныя на паляпшэнне якасці жыцця ў населеных пунктах Віцебскай вобласці.

Партфоліо праекта павінна ўтрымліваць:

• Кароткую анатацыю (асноўная мэта, задачы, актуальнасць, мэтавая група, планаваныя вынікі)
• Праект зводнага коштарысу выдаткаў
• Мяркуемы атрымальнік сродкаў (выканаўца) на рэалізацыю ініцыятывы
• Мяркуемы тэрмін рэалізацыі
• План рэалізацыі ініцыятывы

Тэрміны правядзення

1 чэрвеня - 31 ліпеня 2026 г. — прыём заявак (уключна)
1 жніўня – 31 жніўня 2026 г. — адкрыты конкурсны адбор

Фінансавая падтрымка

Тры лепшыя праекты атрымаюць фінансаванне ад Віцебскай абласной асацыяцыі мясцовых Саветаў дэпутатаў
Максімальная сума фінансавання аднаго праекта — 10 000 беларускіх рублёў

Як падаць заяўку?

Заяўкі прымаюцца ў электронным і папяровым выглядзе:

Email: info@as-vit-dep.by
Адрас: г. Віцебск, вул. Гогаля, 14, каб. 86

Адпраўка заяўкі азначае згоду заяўніка з усімі ўмовамі конкурсу, а таксама згоду на апрацоўку персанальных даных.

Крытэрыі ацэнкі

• Актуальнасць заяўленай тэмы і практычная значнасць работы
• Наватарства ідэй, сучасныя інавацыйныя падыходы
• Выразнасць і лагічная абгрунтаванасць мэт і задач
• Чаканы сацыяльны, эканамічны эфект
• Даступнасць вынікаў насельніцтву
• Прадуманасць паслядоўнасці дзеянняў
• Верагоднасць паспяховай рэалізацыі праекта

Праекты могуць суправаджацца дэманстрацыйным матэрыялам (прэзентацыя, відэаролік, макет, узоры і інш.).

Арганізатар пакідае за сабой права ўнясення змяненняў у палажэнне аб конкурсе. Актуальная інфармацыя будзе размешчана на афіцыйным сайце Віцебскай абласной асацыяцыі мясцовых Саветаў дэпутатаў.

Прэс-рэліз падрыхтаваны Віцебскай абласной асацыяцыяй мясцовых Саветаў дэпутатаў