Віцебская мытня адчыняе дзверы для будучых спецыялістаў: студэнты вядучых ВНУ на Аршанскім мытным пасту

У рамках праходжання практыкі ў Віцебскай мытні студэнты Полацкага дзяржаўнага ўніверсітэта ім. Ефрасінні Полацкай, Беларускага дзяржаўнага эканамічнага ўніверсітэта, Беларускага нацыянальнага тэхнічнага ўніверсітэта, Беларускага дзяржаўнага ўніверсітэта і Акадэміі кіравання пры Прэзідэнце Рэспублікі Беларусь наведалі Аршанскі мытны пост.

Мэтай візіту стала азнаямленне будучых спецыялістаў з практычнай дзейнасцю мытных органаў. Начальнік Аршанскага мытнага паста Міхаіл Юдзянко падрабязна расказаў студэнтам аб асноўных напрамках работы, асаблівасцях мытнага афармлення і кантролю, прымяняемых тэхналогіях і тэхнічных сродках. Асаблівая ўвага была ўдзелена пытанням выяўлення і спынення парушэнняў мытнага заканадаўства.

Студэнты змаглі знутры ўбачыць работу мытнага паста, задаць пытанні, якія іх цікавяць, і атрымаць каштоўныя веды ад вопытных прафесіяналаў, што, несумненна, стане каштоўным вопытам для будучых спецыялістаў. Віцебская мытня заўсёды надае асаблівую ўвагу падрыхтоўцы будучых кадраў і актыўна супрацоўнічае з вядучымі ВНУ краіны, адкрываючы магчымасці для прафесійнага росту і развіцця. Менавіта таму мы запрашаем амбіцыйных і мэтанакіраваных выпускнікоў далучыцца да нашай каманды.

Калі Вы дасягнулі 18 гадоў, здольныя па сваіх асабістых, маральных і дзелавых якасцях выконваць задачы па забеспячэнні эканамічнай бяспекі краіны, процідзеянні кантрабандзе і трансгранічнай злачыннасці, хочаце мець прэстыжную працу з перспектывай кар'ернага росту і стабільную аплату працы – запрашаем на службу ў Віцебскую мытню. Накіроўвайце сваё рэзюмэ на адрас vitebsk_okipp@customs.gov.by і звяртайцеся па тэлефонах: 8(0212)-350-249; 350-357; 350-250.