Новыя кіраўнікі сельскагаспадарчых прадпрыемстваў прызначаны ў рамках кадравага дня

Былы начальнік аддзела эканомікі упраўлення сельскай гаспадаркі і харчавання Полацкага райвыканкама Аляксандр Круглякоў прызначаны на пасаду дырэктара ААТ «Полацкі аграсэрвіс». Кіраўнік поўны сіл і жадання, каб рэалізаваць намечаныя планы, выкарыстоўваючы пры гэтым наяўны кіраўніцкі вопыт. Сярод галоўных пунктаў на карце заданняў — захаванне тэхналагічнай дысцыпліны, павышэнне эфектыўнасці вытворчасці. Мікалай Шарсцнёў заклікаў аднавіць увесь спектр сэрвісных паслуг, што аказваюцца прадпрыемствам, і, перш за ўсё, з упорам на стварэнне базы для якаснай і своечасовай падрыхтоўкі сельскагаспадарчай тэхнікі да ўсіх палявых работ. Дэталёвай распрацоўкі патрабуе і кіраванне кадрамі.

— Неабходна сістэматызаваць уцягнутасць кожнага ў вытворчы працэс. Пры гэтым не рубаць з пляча. Сакумуляваць усе намаганні перспектыўных работнікаў для дасягнення эканамічнай выгады, — паставіў задачу кіраўнік вобласці.

Падобны да гэтага партфель даручэнняў у новага кіраўніка філіяла «Каралі» ААТ «Глыбоцкі мясакамбінат» Анатоля Пашкевіча. У галіне – чалавек не новы. 40-гадовы вопыт працы дазволіць яму вызначыць кропкі эканамічнага росту ў філіяле і прымножыць дасягнутае. Дырэктар ведае: малочная вытворчасць — аснова эканомікі. Сёння рэалізацыя «белага золата» прыносіць арганізацыі амаль палову ад усёй выручкі. Аднак далёка яшчэ не ўсе рэсурсы вычарпаны, лічыць Анатоль Пашкевіч. Ёсць патэнцыял у павышэнні сярэднясутачных надояў ад каровы. Нізкі працэнт здачы малака сартам «экстра» — нагода задумацца гаспадарцы, чаму яна губляе грошы. Якасць падцягнуць — і вось ён, штодзённа які ўцякае рэзерв павышэння зарплаты. Ёсць над чым папрацаваць у галіне раслінаводства. У параўнанні з паспяховымі арганізацыямі тут як мінімум удвая ніжэйшы паказчык выхаду прадукцыі з гектара.сельскагаспадарчых угоддзяў. У выніку замест даходаў — страты.

Вынік сумоўя для працягнення кантрактаў з двума дырэктарамі-вытворцамі такі: на працягу года даказаць сваю здольнасць да ажыццяўлення граматнай тактыкі менеджменту. За гэты тэрмін кіраўнікі павінны палепшыць эканамічныя паказчыкі арганізацый, выйсці на пэўныя перспектывы. Так, кіраўнік вобласці нацэліў дырэктара СВУП «Палімір-агра» ААТ «Нафтан» Віктара Яноўскага вывесці прадпрыемства на траекторыю росту. Бо ў адзін дзень па некаторых параметрах гаспадарка плюсуе, назаўтра сыходзіць у мінус. І такая «ліхаманка» зусім не ўпрыгожвае эканоміку арганізацыі. Укладзеныя грашовыя сродкі інвестара павінны акупіцца споўна, акцэнтаваў увагу Мікалай Мікалаевіч.

Выпрацаваць стратэгію развіцця даручана дырэктару ААТ «Абольскі керамічны завод» Паўлу Манаку. Назапашаныя праблемы за перыяд мадэрнізацыі прадпрыемства і выхаду на новыя праектныя магутнасці стварылі перадумовы для выпрацоўкі механізму антыкрызіснага кіравання. Арганізацыя адчувае недахоп абаротных сродкаў, з-за высокага энергетычнага складніка ў сабекошце прадукцыі, што выпускаецца, не зняты пытанні па ліквідацыі запазычанасці за энерганосьбіты. Старшыня камітэта эканомікі Віцебскага аблвыканкама Анжаліка Нікіціна ўпэўнена, што для стабільнай працы заводу трэба завяршыць пачатае па аптымізацыі затрат, умацаванні пазіцый па пастаўках прадукцыі на знешні рынак, пашырэнні геаграфіі экспарту. Анжаліка Аляксандраўна не хавае: у прадпрыемства ёсць магчымасць выйсці на бязстратную працу.

Любыя дзеянні павінны быць заснаваны на сітуацыі, што склалася ў кожным канкрэтным прадпрыемстве, а ўсе прымаемыя меры — аб'ектыўнымі і абгрунтаванымі, лічыць старшыня аблвыканкама. Курс на выбудоўванне сістэмы эфектыўнага кіравання прадпрыемствамі працягваецца.

Вольга БУЛАВКА,
галоўны спецыяліст
галоўнага ўпраўлення ідэалагічнай работы,
культуры і па справах моладзі
Віцебскага аблвыканкама.