Новыя вектары турыстычнага супрацоўніцтва Беларусі і Узбекістана абмяркоўваюць у Віцебску
Мерапрыемства сабрала каля 50 удзельнікаў, уключаючы парламентарыяў, прадстаўнікоў органаў дзяржаўнага кіравання дзвюх краін, кіраўнікоў туріндустрыі і мясцовай улады.
У сваім выступленні дырэктар Дэпартамента па турызме Міністэрства спорту і турызму Беларусі Ірына Варанковіч падкрэсліла стратэгічную важнасць галіны.
– Прэзідэнт Беларусі паставіў задачу зрабіць турызм нацыянальным праектам. Мы ўдзячныя, што на форуме акцэнт быў зроблены на комплексным падыходзе, бо ў нас заканадаўча выдзелена 13 напрамкаў турызму, кожнае з якіх заслугоўвае ўвагі, - сказала спікер.
Мадэратар сустрэчы, член Пастаяннай камісіі Савета Рэспублікі Ігар Луцкі, адзначыў унікальны патэнцыял абедзвюх краін.
– Узбекістан – жамчужына Усходу, – адзначыў член Пастаяннай камісіі Савета Рэспублікі па адукацыі, навуцы, культуры і сацыяльным развіцці, мадэратар мерапрыемства Ігар Луцкі. – Разам з тым нашы прыгажосці заслугоўваюць асобнай увагі. Гутарачы з калегамі, першае, на што яны звярнулі ўвагу, – беларуская прырода.
Пасяджэнне дазволіла краінам абмяняцца вопытам і намеціць практычныя крокі для ўмацавання партнёрства ў турыстычнай сферы.
У завяршэнні бакі падпісалі Дарожную карту супрацоўніцтва паміж Рэспубліканскім саюзам турыстычнай індустрыі і Асацыяцыяй прыватных турыстычных арганізацый Узбекістана на 2026-2028 гады.