Аб барацьбе са злачыннасцю ў сферы сельскай гаспадаркі

Аддзел па наглядзе за дазнаннем і аРД забяспечвае каардынацыю праваахоўнай дзейнасці па пастановах заяў і паведамленняў органамі ўнутраных спраў вобласці па фактах прыпісак, утойвання пагалоўя жывёлы і іншых злачынстваў, якія здзяйсняюцца ў названай галіне.

Па выніках правядзення праверак, органамі пракуратуры вобласці за 1 квартал 2023 года ўзбуджана 6 крымінальных спраў, сярод якіх: службовы падлог, крадзеж шляхам злоўжывання службовымі паўнамоцтвамі, перавышэнне службовых паўнамоцтваў, здзейсненыя з карыслівай і іншай асабістай зацікаўленасці.

З названых злачынстваў, за здзяйсненне самага цяжкага, прадугледжанага ч.2 арт.210 Крымінальнага кодэкса Рэспублікі Беларусь прадугледжана пакаранне ў выглядзе пазбаўлення волі тэрмінам да 7 гадоў са штрафам і з пазбаўленнем права займаць пэўныя пасады або займацца пэўнай дзейнасцю.

Так, пракуратурай Віцебскай вобласці ў сакавіку 2023 года ўзбуджана крымінальная справа па ч.2 арт.210 Крымінальнага кодэкса Рэспублікі Беларусь у дачыненні да галоўнага ветэрынарнага ўрача і галоўнага заатэхніка аднаго з ААТ вобласці, якія ў 2022 годзе здзейснілі крадзеж быка, які знаходзіўся на ферме вагой 383 кг, даўшы ўказанне падпарадкаванаму ім па службе загадчыку фермай, не дасведчанаму аб іх злачыннай дзейнасці, перадаць быка трэцяй асобе, чым прычынілі шкоду ААТ у памеры 1 742 рублі, склаўшы падробленыя дакументы аб спісанні выкрадзенага быка, як памерлага ў выніку захворвання.

 Пракурорам Сенненскага раёна ў лютым 2023 года ўзбуджана крымінальная справа па ч.2 арт.426 Крымінальнага кодэкса Рэспублікі Беларусь у дачыненні да брыгадзіра МТФ адной з гаспадарак раёна, якая ў 2022 годзе з карыслівай і іншай асабістай зацікаўленасці, што выявілася ў імкненні пазбегнуць прыцягнення да матэрыяльнай і дысцыплінарнай адказнасці за нездавальняючую арганізацыю работы па захаванасці і узнаўленні пагалоўя КРС, наўмысна склала і падпісала загадзя ілжывыя дакументы аб продажы загінулай жывёлы работнікам узначаленай ёю фермы, прычыніўшы тым самым шкоду ў памеры 4 000 рублёў. 

Органамі пракуратуры вобласці і надалей будзе ўдзяляцца пільная ўвага забеспячэнню законнасці і барацьбе са злачыннасцю ў сферы сельскай гаспадаркі.

Намеснік начальніка аддзелаА.М.Заікін