Аб новаўвядзеннях у заканадаўстве аб зваротах грамадзян і юрыдычных асоб
З 23.01.2016 уступілі ў сілу змяненні і дапаўненні ў Закон Рэспублікі Беларусь ад 18.07.2011 № 300-З «Аб зваротах грамадзян і юрыдычных асоб», унесеныя Законам Рэспублікі Беларусь ад 15.07.2015.
Згодна з новымі палажэннямі дакумента, зменены падыходы да вылічэння тэрмінаў пры разглядзе зваротаў грамадзян. У прыватнасці, цячэнне тэрмінаў пачынаецца не з дня рэгістрацыі звароту, а з дня, наступнага за ім. Акрамя таго, пяцідзённы тэрмін, на працягу якога арганізацыя павінна прыняць рашэнне па паступіўшых зваротах, якія не адносяцца да іх кампетэнцыі, вылічваецца ў працоўных днях.
Канкрэтызавана сфера дзеяння дадзенага Закона, цяпер яго дзеянне не распаўсюджваецца на звароты, якія вынікаюць з адносін паміж работнікам і наймальнікам.
Пашыраны пералік падстаў для адмовы грамадзянам у асабістым прыёме. Да гэтых падстаў аднесены зварот у неўстаноўленыя дні і гадзіны, а таксама па пытаннях, якія не адносяцца да кампетэнцыі арганізацыі. Адмовіць у прыёме можа не толькі службовая асоба, якая праводзіць асабісты прыём, але і работнік, які ажыццяўляе папярэдні запіс на такі прыём.
Што тычыцца парадку разгляду электронных зваротаў, то ў новай рэдакцыі замацавана абавязак прадстаўнікоў заяўнікаў прыкладаць копіі дакументаў, якія пацвярджаюць іх паўнамоцтвы. Пры невыкананні дадзенай абавязкі электронны зварот можа быць пакінуты без разгляду па сутнасці.
Прадугледжана магчымасць спынення перапіскі з заяўнікамі, якія накіроўваюць паўторныя звароты ў адну і тую ж арганізацыю, да кампетэнцыі якой іх разгляд па сутнасці не адносіцца.
Таксама арганізацыі атрымалі права звяртацца ў суд для спагнання з заяўнікаў выдаткаў, панесеных у сувязі з разглядам сістэматычна накіраваных ім (тры і больш раз у працягу года) неабгрунтаваных зваротаў ад аднаго і таго ж заяўніка; зваротаў, якія ўтрымліваюць загадзя ілжывыя звесткі.
Да такіх выдаткаў аднесены сумы, якія падлягаюць выплаце экспертам, паштовыя выдаткі і выдаткі, звязаныя з выездам на месца разгляду звароту.
Закон дапоўнены нормай, згодна з якой запісы, унесеныя грамадзянінам у кнігу заўваг і прапаноў, якія не адносяцца да дзейнасці арганізацыі, пакідаюцца без разгляду па сутнасці без паведамлення заяўніка.
Усе ўказаныя новаўвядзенні ў поўнай меры распаўсюджваюцца на парадак працы са зваротамі грамадзян у органах пракуратуры Віцебскай вобласці.
Старшы памочнік пракурора Віцебскай вобласці
па наглядзе за выкананнем заканадаўства
аб зваротах грамадзян І.А.Таўтын