Аб павышэнні эфектыўнасці дзейнасці праваахоўных і іншых дзяржаўных органаў па процідзеянні карупцыі
На нарадзе адзначалася, што на выкананне патрабаванняў Кіраўніка дзяржавы аб роўнасці ўсіх перад законам і неадваротнасці адказнасці незалежна ад займаемых пасад і былых заслуг праваахоўнымі і іншымі дзяржаўнымі органамі вобласці прымаюцца практычныя меры па папярэджанні, выяўленні і спыненні фактаў карупцыі.
Канкрэтныя прафілактычныя мерапрыемствы па мінімізацыі існуючых карупцыйных рызык і пагроз штогод распрацоўваюцца, зацвярджаюцца і рэалізуюцца ў рамках рэгіянальных комплексных праграм па прафілактыцы правапарушэнняў. Найбольш праблемныя пытанні ўмацавання законнасці і барацьбы з карупцыяй рэгулярна разглядаюцца на каардынацыйных, міжведамасных нарадах, пасяджэннях аблвыканкама, гаррайвыканкамаў, адміністрацый раёнаў г.Віцебска. Вынікі процідзеяння карупцыі рэгулярна даводзяцца да ведама грамадскасці, асвятляюцца ў сродках масавай інфармацыі.
Прымаемыя меры спрыяюць выяўленню і спыненню значнай колькасці злачынстваў і правапарушэнняў карупцыйнай накіраванасці.
Так, за 8 месяцаў 2017 г. на тэрыторыі вобласці ўлічана 212 карупцыйных злачынстваў, што значна больш, чым у аналагічным перыядзе 2016 года. За здзяйсненне карупцыйных злачынстваў да адказнасці прыцягнуты 83 службовыя асобы. Найбольшая колькасць карупцыйных злачынстваў зарэгістравана ў сферы адукацыі (40). Пры гэтым насцярожваюць факты выяўлення такіх злачынстваў, здзейсненых работнікамі мясцовых органаў улады, кантралюючых і праваахоўных ведамстваў (35 злачынстваў). Па крымінальных
делам дадзенай катэгорыі ўстаноўлены матэрыяльны ўрон на агульную суму звыш 6,5 млн. дэнамінаваных рублёў. З улікам накладзенай арышту на маёмасць агульны працэнт узнаўлення ўрону склаў 90,3%.Разам з тым, не ва ўсіх рэгіёнах вобласці праца тэрытарыяльных праваахоўных органаў па выяўленні і спыненні злачынстваў карупцыйнай накіраванасці з'яўляецца выніковай (не маецца ўлічаных карупцыйных злачынстваў у Бешанковіцкім, Докшыцкім, Дубровенскім, Россонскім раёнах). Неэфектыўная праца па дадзеным напрамку Браслаўскага, Лепельскага, Сенненскага РАУС.
Маюць месца факты фармальнага вядзення спраў аператыўнага уліку асобнымі падраздзяленнямі БЭЗ, што негатыўна адбіваецца на эфектыўнасці праводзімай працы па выяўленні карупцыйных праяў. Практычна не ўдзельнічаюць у выяўленні фактаў карупцыі іншыя падраздзяленні тэрытарыяльных РАУС (крымінальны вышук, міліцыя грамадскай бяспекі, ДАІ і іншыя).
Дапускаюцца выпадкі некваліфікаванага правядзення даследчых праверак па матэрыялах карупцыйнай накіраванасці, заўчаснага ўзбуджэння крымінальных спраў. У сувязі з няпоўнасцю праводзімых праверак, неабходнасцю правядзення дадатковых праверачных дзеянняў органамі пракуратуры адменена 79 незаконных пастаноў органаў дазнання аб адмове ва ўзбуджэнні крымінальнай справы.
Таксама звяртаюць на сябе ўвагу факты спынення крымінальных спраў карупцыйнай накіраванасці за адсутнасцю падзеі або складу злачынства. У бягучым годзе следчымі падраздзяленнямі спынена 13 такіх крымінальных спраў (Аршанскі, Полацкі МОСК, СУ УСК, Глыбокскі, Докшыцкі, Сенненскі, Талачынскі РОСК, Наваполацкі ГОСК).
Не заўсёды забяспечваецца належнае ўзаемадзеянне праваахоўных і кантрольных органаў пры прызначэнні і правядзенні па справах і матэрыялах праверак фінансава-гаспадарчай дзейнасці прадпрыемстваў і арганізацый. Патрабуецца больш увагі ўдзяляць недапушчэнню незаконнага і неефектыўнага расходавання бюджэтных грашовых сродкаў, правядзенню закупак тавараў (работ, паслуг), максімальнаму ўзнаўленню прычыненага карупцыяй урону.
На сістэмнай аснове павінна праводзіцца работа па прафілактыцы праяўленняў карупцыі, давядзенні да ведама грамадскасці вынікаў работы праваахоўных органаў па процідзеянні карупцыі. Мае патрэбу ў актывізацыі дзейнасць камісій па процідзеянні карупцыі, бо многія з іх працуюць фармальна, не аказваючы рэальнага ўплыву на папярэджанне карупцыйных правапарушэнняў.У мэтах забеспячэння належнага ўзаемадзеяння зацікаўленых ведамстваў па процідзеянні карупцыі і эканамічнай злачыннасці каардынацыйнае нараду выпрацавала адпаведнае рашэнне, выкананне якога ўзята на кантроль.