Аб стане работы са зваротамі грамадзян і юрыдычных асоб

Як было адзначана на нарадзе, органамі пракуратуры вобласці надаецца пастаянная ўвага павышэнню эфектыўнасці пракурорскага нагляду за выкананнем названага заканадаўства ва ўстановах і арганізацыях. У бягучым годзе такія праверкі праводзіліся ў органах прымусовага выканання, у сістэме аблспажыўсаюза, КУП «Віцебскаблдарбуд», у мясцовых выканаўчых і распарадчых органах, праваахоўных ведамствах, іншых арганізацыях.

Па фактах парушэння заканадаўства, валакіты і бюракратызму пракурорамі прымаліся прадугледжаныя законам меры, накіраваныя на аднаўленне парушаных правоў і законных інтарэсаў грамадзян, вінаватыя асобы прыцягваліся да адказнасці. Аб стане законнасці ў сферы работы са зваротамі на падпарадкаваных арганізацыях інфармаваліся кіраўнікі мясцовых органаў улады.

У мэтах выканання важнай задачы органаў пракуратуры па забеспячэнні рэальнай абароны канстытуцыйных правоў і законных інтарэсаў грамадзян і юрыдычных асоб калегіяй ад пракурораў запатрабавана і надалей ажыццяўляць пастаянны і патрабавальны нагляд за выкананнем названага заканадаўства.

Таксама пры вырашэнні канкрэтных зваротаў, якія змяшчаюць інфармацыю аб ушчамленні правоў і свабод заяўнікаў, выкарыстоўваць наяўныя паўнамоцтвы для ўстаранення дапушчаных парушэнняў, прымаць рашэнні зыходзячы з максімальнага ўліку інтарэсаў грамадзян.

Намеснік начальніка арганізацыйна-кантрольнага аддзела пракуратуры вобласці Святлана Зайцава