Аблсельсгаспрад: усе сельскагаспадарчыя культуры паспяхова перазімавалі

Па папярэднім плане, агульная пасяўная плошча сельскагаспадарчых культур складзе 786 тысяч гектараў. Пад збожжавыя і зернебабовыя ў гэтым годзе адведзена 354,7 тысячы гектараў, крыжакветныя -- 93,4 тысячы гектараў, лён — 12 тысяч гектараў, агародніна — 300 гектараў, а таксама 100 тысяч гектараў зойме кукуруза. Для вытворчасці ўласнага насення "царыцы палёў" будзе задзейнічана 20 тысяч гектараў, астатняе пойдзе пад нарыхтоўку сіласу. Асаблівасцю гэтага года стане павелічэнне плошчы пасеваў грэчкі -- з 400 да 1200 гектараў.

Як адзначыў начальнік упраўлення земляробства, раслінаводства і кармавытворчасці камітэта па сельскай гаспадарцы і харчаванні аблвыканкама Валерый Неразя, азімоў сеў некалькі зніжае нагрузку на аграрыяў, і, дарэчы, як паказаў аналіз, усе культуры паспяхова перазімавалі.