Аблздароўе: у Віцебскай вобласці 5 ЦРБ вернуцца да звычайнага рэжыму працы на гэтым тыдні

На гэтым тыдні ўсё больш устаноў аховы здароўя Віцебскай вобласці вяртаюцца да свайго звычайнага рэжыму працы. Пра гэта паведаміў начальнік галоўнага ўпраўлення па ахове здароўя аблвыканкама Міхаіл Вішневецкі.

Зніжэнне ўзроўню захворвання на COVID-19 дазваляе паступова ўводзіць ва ўстановах аховы здароўя рэгіёна звычайны рэжым прыёму пацыентаў. "Гэтая праца пачалася яшчэ ў канцы 2020 года. На мінулым тыдні ў штатным рэжыме запрацаваў абласны клінічны спецыялізаваны цэнтр. Сёння перайшоў на звычайны рэжым абласны клінічны цэнтр медыцынскай рэабілітацыі для інвалідаў і ветэранаў баявых дзеянняў на тэрыторыі іншых дзяржаў", - адзначыў Міхаіл Вішневецкі.

Ён дадаў, што на гэтым тыдні вернуцца да звычайнага рэжыму працы цэнтральныя раённыя бальніцы (ЦРБ) у Дубровне, Шаркаўшчыне, Расонах, Ушачах, Талачыне. "Ва ўсіх астатніх ЦРБ ідзе паступовае перакідванне ложкаў або аддзяленняў, якія могуць прымаць пацыентаў з захворваннямі, не звязанымі з COVID-19", - распавёў кіраўнік аблздрава.

У Віцебску з мінулага тыдня спынена шпіталізацыя пацыентаў з каранавірусам у гарадскую цэнтральную клінічную бальніцу і гарадскую клінічную бальніцу №1. Пацыенты з COVID-19, якія знаходзяцца там, яшчэ далечваюцца. Новых пацыентаў з каранавірусам цяпер прымаюць у абласной клінічнай інфекцыйнай бальніцы, Віцебскай гарадской клінічнай бальніцы хуткай медыцынскай дапамогі і ва ўралагічным корпусе абласной клінічнай бальніцы. Рэабілітацыю жыхары рэгіёну, якія перанеслі COVID-19, па-ранейшаму праходзяць у рэабілітацыйным цэнтры "Жалезнякі" абласнога кардыялагічнага цэнтра і абласным шпіталі інвалідаў Вялікай Айчыннай вайны "Юрцава".

БЕЛТА.