Адна з найбольш шматлікіх катэгорый спраў у судах – высяленне грамадзян з жылых памяшканняў дзяржаўнага жыллёвага фонду

Адна з найбольш шматлікіх катэгорый спраў у судах - высяленне грамадзян з жылых памяшканняў дзяржаўнага жыллёвага фонду, а таксама з арэнднага жылля, якія ўхіляюцца ад унясення платы за жыллёва-камунальныя паслугі.

Так, артыкулам 80 Жыллёвага кодэкса Рэспублікі Беларусь у рэдакцыі Закона Рэспублікі Беларусь ад 04.05.2019, які ўступае ў сілу з 01.01.2020, устаноўлена, што наймальнік жылога памяшкання дзяржаўнага жыллёвага фонду і пражываючыя сумесна з ім члены, былыя члены яго сям'і, якія маюць без уважлівых прычын шасцімесячную запазычанасць (на працягу шасці месяцаў запар) па плаце за жыллёва-камунальныя паслугі, плаце за карыстанне жылым памяшканнем, пакрыццю расходаў на электраэнергію, падлягаюць высяленню ў судовым парадку з прадастаўленнем ім іншага жылога памяшкання, па агульнай плошчы меншага за займаемае жылое памяшканне і (або) саступаючага яму па сваіх спажывецкіх якасцях, з захаваннем віду раней заключанага дагаворанайма жылога памяшкання дзяржаўнага жыллёвага фонду і тэрміну яго дзеяння (калі дагавор найму жылога памяшкання быў заключаны на пэўны тэрмін), у тым ліку за межамі дадзенага населенага пункта. Пры гэтым высяленне наймальніка жылога памяшкання дзяржаўнага жыллёвага фонду і членаў, былых членаў яго сям'і, пражываючых сумесна з ім, дапускаецца ў выпадку, калі запазычанасць па плаце за жыллёва-камунальныя паслугі, плаце за карыстанне жылым памяшканнем, пакрыццю расходаў на электраэнергію не пагашана ў поўным аб'ёме.

Калі ж наймальнік жылога памяшкання дзяржаўнага жылога фонду у інтэрнаце і пражываючыя сумесна з ім члены яго сям'і дапусцілі без уважлівых прычын шасцімесячную запазычанасць па аплаце за прадастаўленыя паслугі, то яны падлягаюць высяленню па патрабаванні ўласніка або ўпаўнаважанай ім асобы без прадастаўлення іншага жылога памяшкання (артыкул 87 ЖК).

Таксама высяленню з

занятых жылых памяшканняў з усімі пражываючымі членамі сям'і і іншымі грамадзянамі без прадастаўлення іншага жылога памяшкання ў сілу арт. 86 ЖK падлягаюцьнаймальнікі арэнднага жылля пры наяўнасці без уважлівых прычын запазычанасці ў памеры шасцімесячнай платы за карыстанне арэндным жыллём і (або) платы за жыллёва-камунальныя паслугі, за адпаведныя расходы на электраэнергію. Выключэнне складаюць грамадзяне, якім арэнднае жыллё было прадастаўлена ва ўстаноўленым заканадаўствам парадку па дагавору найму жылога памяшкання дзяржаўнага жыллёвага фонду і ўключана ў склад арэнднага жылля да 1 ліпеня 2016 г.

Указаныя асобы пры наяўнасці шасцімесячнай запазычанасці без уважлівых прычын падлягаюць высяленню ў судовым парадку з прадастаўленнем ім іншага жылога памяшкання.

Старшы пракурор аддзела пракуратуры вобласці
Марыя Духнова