Органамі пракуратуры Віцебскай вобласці дадзена ацэнка дзейнасці камісій па папярэджанні эканамічнай неплацежаздольнасці (банкруцтва)

З улікам значнасці ўказаных пытанняў органамі пракуратуры Віцебскай вобласці ў лютым-сакавіку бягучага года праведзена праверка дзейнасці камісій па папярэджанні эканамічнай несастаяння (банкруцтва). У ходзе дадзенай праверкі ўстаноўлена, што ўказанымі камісіямі прымаюцца пэўныя меры па папярэджанні банкруцтва прадпрыемстваў вобласці і аднаўленні іх плацежаздольнасці. Разам з тым, у дзейнасці камісій пракурорамі выяўлены істотныя парушэнні заканадаўства.

У прыватнасці, пры фарміраванні дадзеных камісій упаўнаважанымі асобамі не заўсёды выконваюцца патрабаванні арт.16 Закона Рэспублікі Беларусь «Аб эканамічнай несастаянні (банкруцтве)»: у склад камісій неабгрунтавана ўключаюцца асобы, якія не прайшлі праверкі на прадмет наяўнасці судзімасці, у выпадку кадравых змяненняў склад камісій не пераглядаецца. Падобныя парушэнні ўстаноўлены ў г.Віцебску, Бешанковіцкім, Лепельскім і Сенненскім раёнах.

Не заўсёды належным чынам распрацоўваюцца палажэнні аб рабоце камісій па папярэджанні эканамічнай несастаяння (банкруцтва), што негатыўна адбіваецца на рабоце дадзеных камісій (Гарадоцкі і Дубровенскі раёны).

Пракурорамі г.Наваполацка і Віцебскага раёна ў дзейнасці паднадзорных камісій адзначаны парушэнні Комплексу мерапрыемстваў па папярэджанні эканамічнай несастаяння (банкруцтва) і правядзенні працэдур эканамічнай несастаяння (банкруцтва), зацверджанага пастановай Савета Міністраў Рэспублікі Беларусь ад 04.09.2013 № 785.

Аналіз пратаколаў пасяджэнняў камісій сведчыць аб тым, што не заўсёды запланаваныя мерапрыемствы па аднаўленні плацежаздольнасці прадпрыемстваў у

устаноўленым парадку выконваюцца і спрыяюць павышэнню эфектыўнасці іх дзейнасці. Пытанні прымянення мер па змене структуры і складу органаў кіравання прадпрыемстваў, у дачыненні да якіх выканкамамі ажыццяўляецца ўладальніцкі нагляд, не разглядаюцца.

Прымаемыя камісіямі рашэнні у асобных выпадках з'яўляюцца неканкрэтнымі і ўтрымліваюць агульныя фразы («павялічыць вытворчасць прадукцыі, што пацягне за сабой павелічэнне выручкі і зніжэнне сабекоштасці», «забяспечыць тэмп росту валавой прадукцыі» і г.д.), што сведчыць аб фармалізме у праводзімай працы.

Акрамя таго, не ва ўсіх выпадках упаўнаважанымі асобамі ажыццяўляецца належны кантроль за выкананнем рашэнняў камісій па папярэджанні эканамічнай неплацежаздольнасці (банкруцтва), маюць месца факты адсутнасці належнага ўзаемадзеяння камісій з іншымі дзяржаўнымі органамі, што у сваю чаргу негатыўна ўплывае на пытанні эканамічнага развіцця рэгіёнаў.

Па выніках праведзенай праверкі недастатковая эфектыўнасць у працы камісій адзначана пракурорамі г.Наваполацка, Глыбокскага, Гарадоцкага, Лепельскага, Лёзненскага, Ушацкага, Шаркаўшчынскага і іншых раёнаў.

Па фактах выяўленых парушэнняў заканадаўства пракурорамі гарадоў і раёнаў старшыням мясцовых выканаўчых і распарадчых органаў унесена 5 прадстаўленняў, вынесена 1 прадпісанне, накіравана 2 інфармацыі. Пракуратурай Віцебскай вобласці у Віцебскі аблвыканкам накіравана абагульненае прадстаўленне аб устараненні парушэнняў заканадаўства, накіраванага на папярэджанне эканамічнай неплацежаздольнасці (банкруцтва), прычын і ўмоў, ім якія спрыяюць, якое знаходзіцца на разглядзе.

Пракурор  аддзела  па наглядзе за
выкананнем      заканадаўства
і   законнасцю   прававых актаў
пракуратуры Віцебскай вобласці Марына Запрудская