Органы пракуратуры Віцебскай вобласці аб асноўных парушэннях прыродаахоўнага і зямельнага заканадаўства
Немалаважным напрамкам пракурорскай дзейнасці з'яўляецца нагляд за выкананнем прыродаахоўнага і зямельнага заканадаўства – у мэтах устаранення выяўленых парушэнняў заканадаўства ў гэтай сферы ў мінулым годзе падрыхтавана больш за 200 актаў рэагавання, каля 250 асоб прыцягнута да дысцыплінарнай, адміністрацыйнай і матэрыяльнай адказнасці, узмешчана матэрыяльная шкода на суму звыш 18 тысяч рублёў.
Пільную ўвагу ўдзялялася пытанням выканання заканадаўства аб ахове і выкарыстанні вод, аб абыходжанні з адходамі, эфектыўнасці выкарыстання земляў.
Так, шматлікія парушэнні ўстаноўлены ў ходзе праверкі выканання прыродаахоўнага заканадаўства пры абыходжанні з камунальнымі адходамі на тэрыторыях населеных пунктаў і садаводчых таварыстваў, у тым ліку факты неадпаведнасці устаноўленым патрабаванням размешчаных у населеных пунктах кантэйнерных пляцовак і саміх кантэйнераў для збору камунальных адходаў, недахопы пры рэалізацыі рэгіянальных схем па абыходжанні з камунальнымі адходамі, рэгламентуючых парадак збору і выдалення камунальных адходаў з тэрыторый населеных пунктаў, садаводчых таварыстваў, выпадкі невыканання перыядычнасці вывазу камунальных адходаў. Дапускаюцца недахопы пры эксплуатацыі аб'ектаў пахавання цвёрдых камунальных адходаў, у тым ліку факты знаходжання на гэтых аб'ектах ВМР, якія не падлягаюць пахаванню. Прыведзеныя парушэнні ўстаноўлены у большасці рэгіёнаў вобласці і з'явіліся падставай для падрыхтоўкі 25 прадстаўленняў і прадпісанняў, у тым ліку прадстаўлення ў Віцебскі аблвыканкам, па выніках разгляду якіх больш за 40 асоб прыцягнута да дысцыплінарнай адказнасці.
Устанаўліваліся парушэнні воднага заканадаўства ў дзейнасці сельскагаспадарчых арганізацый пры эксплуатацыі жывёлагадоўчых ферм і комплексаў, значная частка якіх размешчана ў водаахоўных зонах водных аб'ектаў. Разам з адсутнасцю на гэтых сельскагаспадарчых аб'ектах адпаведных прылад і збудаванняў, якія перашкаджаюць забруджванню водных рэсурсаў, дапускаецца назапашванне на тэрыторыі ферм і комплексаў
значнай колькасці арганікі, недахопы пры эксплуатацыі гэтых аб'ектаў, у выніку чаго сцёкавыя воды трапляюць на прылеглую мясцовасць, і ўзнікае пагроза забруджвання зямельных і водных рэсурсаў, а часам і іх фактычнае забруджванне. Падобныя парушэнні мелі месца ў Аршанскім, Полацкім, Шаркаўшчынскім, Браслаўскім, Лепельскім і іншых раёнах, у мэтах ліквідацыі якіх пракурорамі падрыхтаваны адпаведныя прадстаўленні і прадпісанні, больш за 20 асоб прыцягнута да дысцыплінарнай адказнасці.Істотныя парушэнні заканадаўства і правоў грамадзян устаноўлены ў ходзе праверкі выканання мясцовымі выканаўчымі і распарадчымі органамі заканадаўства аб адміністрацыйных працэдурах у сферах землекарыстання і будаўнічай дзейнасці. У прыватнасці, распаўсюджаны выпадкі выдачы выканкамамі акта аб кансервацыі не завершанага будаўніцтвам жылога дома пасля заканчэння тэрміну будаўніцтва дома, прычым нярэдка праз некалькі гадоў пасля заканчэння названага тэрміну. Падобныя парушэнні ўстаноўлены ў г.Віцебску, Чашніцкім, Талачынскім, Пастаўскім, Бешанковіцкім, Гарадоцкім, Докшыцкім раёнах. Мелі месца факты падаўжэння тэрміну будаўніцтва жылога дома пасля яго заканчэння і выпадкі адмовы ў падаўжэнні тэрміну будаўніцтва без уліку палажэнняў заканадаўства і правоў грамадзян (г.Віцебск). Дапускаюцца фармалізм і іншыя недахопы пры афармленні актаў аб кансервацыі жылых дамоў. Не заўсёды звесткі, якія змяшчаюцца ў актах, адпавядаюць фактычным абставінам, што сведчыць аб магчымым афармленні акта без выезду на месца будаўніцтва, адсутнасці кантролю за далейшым станам аб'екта будаўніцтва (Полацкі, Пастаўскі і інш. раёны). Мелі месца выпадкі парушэння тэрмінаў ажыццяўлення названых адміністрацыйных працэдур (Полацкі, Глыбоцкі, Верхнядзвінскі, Віцебскі, Браслаўскі райвыканкамы, Віцебскі гарвыканкам). Па выніках наглядных мерапрыемстваў унесена 10 прадстаўленняў у мясцовыя выканкамы, пракуратурай вобласці аб выяўленых парушэннях праінфармаваны Віцебскі аблвыканкам.
У Шумілінскім, Докшыцкім, Віцебскім, Полацкім, Сенненскім раёнах устаноўленыфакты невыкарыстання земляў сельскагаспадарчага прызначэння агульнай плошчай больш за 124 га, што знайшло адлюстраванне ў накіраваных пракурорамі ў райвыканкамы і сельскагаспадарчыя арганізацыі прадстаўленнях і прадпісаннях, па выніках разгляду якіх прыняты пэўныя меры, накіраваныя на ўцягванне указаных земляў у сельскагаспадарчы абарот.
Выяўляліся парушэнні заканадаўства ў дзейнасці тэрытарыяльных органаў Міністэрства прыродных рэсурсаў і аховы навакольнага асяроддзя Рэспублікі Беларусь (далей – Мінпрыроды) пры вядзенні адміністрацыйнага працэсу (недахопы пры складанні пратаколаў і вынясенні пастаноў па справах аб адміністрацыйных правапарушэннях, адсутнасць у справах неабходных матэрыялаў, што пацвярджаюць абставіны правапарушэння і віну канкрэтнага асобы ў яго здзяйсненні, непоўнасць даследавання абставін справы і інш.), у сувязі з чым падрыхтавана 15 прадстаўленняў у тэрытарыяльныя органы Мінпрыроды (Докшыцкі, Глыбоцкі, Талачынскі, Дубровенскі, Чашніцкі, Аршанскі раёны і інш.), неправамерныя пастановы апратэставаны пракурорамі.
Улічваючы актуальнасць указаных пытанняў, праца ў дадзеных напрамках будзе працягнута пракурорамі і ў 2023 годзе.
Старшы памочнік пракурора
вобласці па наглядзе за выкананнем
прыродаахоўнага заканадаўства
Е.Л.Казлова