«Паляванне на паляванне»
Паляванне на дзікіх жывёл – адно са старажытных заняткаў чалавека. Але калі ў мінулыя тысячагоддзі і стагоддзі гэта было заняткам неабходным для здабычы пражытка, то ў наш час гэта ўсяго толькі азартны адпачынак і захапленне, бо неабходнасці здабываць ежу такім чынам ужо даўно няма.
Паколькі за апошнія стагоддзі колькасць дзікіх жывёл істотна паменшылася, практычна ва ўсіх краінах, дзе гэтыя жывёлы жывуць, устаноўлена нарматыўна-прававое рэгуляванне іх знішчэння, г.зн. свае правілы палявання.
Ёсць такія правілы і ў нашай рэспубліцы. Але, на жаль, ёсць і «паляўнічыя», якія гэтыя правілы парушаюць: альбо з-за сваёй «прыроднай незаканапаслухмянасці», альбо з-за такой жа прыроднай прагнасці, каб не плаціць устаноўленыя за права палявання пошліны і іншыя плацяжы.
За 7 месяцаў бягучага года ў вобласці зарэгістравана 10 злачынстваў, прадугледжаных артыкулам 282 (незаконнае паляванне) Крымінальнага кодэкса Рэспублікі Беларусь, выяўлена 15 чалавек, якія ўдзельнічалі ў ім, 9 з іх ужо прыцягнуты да крымінальнай адказнасці. Пры гэтым характэрна, што 11 асоб, якія ўдзельнічалі ў незаконным паляванні, гэта грамадзяне старэйшыя за 30 гадоў, г.зн. людзі ўжо салідныя па ўзросце, але не салідныя па паводзінах. Агульная шкода, прычыненая прыродзе гэтымі «паляўнічымі», а правільней – браканьерамі, перавысіла 84 тысячы беларускіх рублёў.
Выяўленнем і выкрыццём такіх паляўнічых-браканьераў займаюцца дзяржаўныя прыродаахоўныя інспекцыі, органы лясной гаспадаркі, унутраных спраў.
Расследуюць крымінальныя справы аб незаконным паляванні следчыя падраздзяленняў Следчага камітэта Рэспублікі Беларусь. Але бываюць і выключэнні, калі ў незаконным паляванні ўдзельнічаюць асобныя прадстаўнікі праваахоўнай сістэмы краіны.
У жніўні гэтага года следчым аддзелам УКДБ Рэспублікі Беларусь скончана вытворчасць па крымінальнай справе па абвінавачванні траіх браканьераў у незаконным паляванні на лася. Органу дзяржаўнай бяспекі было даручана расследаванне гэтай крымінальнай справы Генеральным пракурорам Рэспублікі Беларусь з той прычыны, што «ідэйным натхняльнікам» і фактычным арганізатарам гэтага палявання быў супрацоўнік
следчага органа абласнога ўзроўню.Мясцовыя праваахоўныя органы не змаглі ўстанавіць вінаватых па «гарачым» слядах, расследаванне было прыпынена. Выявіць і выкрыць вінаватых удалося толькі названаму органу дзяржаўнай бяспекі.
Пракурорам Віцебскай вобласці крымінальная справа ў дачыненні да траіх грамадзян, абвінавачаных у незаконнай паляванні па частцы 4 артыкула 282 КК Рэспублікі Беларусь, накіравана ў суд для разгляду па сутнасці. Цяпер іх прагная «паляванне на паляванне» будзе ацэньвацца судом.
Старшы памочнік пракурора
Віцебскай вобласці па наглядзе
за выкананнем заканадаўства
аб дзяржаўнай бяспецы У.М.Белавус