Падведзены вынікі 2022 года: адбылося пасяджэнне калегіі пракуратуры Віцебскай вобласці
У выступленні Ігара Украінца адзначалася, што ў мінулым годзе органамі пракуратуры вобласці праведзена планамерная, сістэмная, мэтанакіраваная работа па выкананні ўскладзеных задач.
У выніку праводзімай сумесна з іншымі праваахоўнымі і дзяржаўнымі органамі работы забяспечана падтрыманне ў вобласці належнага ўзроўню законнасці і правапарадку.
Даведка.
Агульная колькасць рэгістраваных злачынстваў скарацілася на 5% (з 9 490 да
9 014). Узровень злачыннасці на 10 тысяч насельніцтва склаў 81,1
(сярэднерэспубліканскі паказчык – 95,2). Адбылося зніжэнне наўмысных прычыненняў цяжкіх цялесных пашкоджанняў – 79 (84; -6%), паменшылася колькасць забойстваў з замахамі –
37 (43; -14%), хуліганстваў – 161 (216; -25,5%), крадзяжоў – 2 818 (2 919; -3,5%),
злачынстваў у сферы процідзеяння кіберзлачыннасці - 1 489
(1 816; -18%). З 1 572 да 1 367 (-13%) паменшылася колькасць злачынстваў,
здзейсненых у грамадскіх месцах, з 2 007 да 1 854
(-7,6%) – асобамі, якія маюць судзімасць, з 164 да 149 (-9,1%) –
непаўналетнімі або пры іх саўдзеле.
Разам з тым аператыўная абстаноўка па шэрагу напрамкаў дзейнасці застаецца напружанай.
Так, праблемнымі пытаннямі застаюцца папярэджанне злачынстваў карыслівай накіраванасці, у сферы наркакантролю і процідзеяння гандлю людзьмі.
Актуальная праблема здзяйснення злачынстваў групай асоб, у стане алкагольнага ап'янення.
Застаецца нізкай раскрывальнасць злачынстваў у сферы высокіх тэхналогій, процідзеяння нарказлачыннасці. Знізілася рэзультатыўнасць работы праваахоўных органаў па выяўленні карупцыйных злачынстваў.
Значна пагоршылася сітуацыя ў сферы папярэджання сямейнага неблагопалучча (павялічылася колькасць дзяцей, якія знаходзяцца ў сацыяльна небяспечным становішчы, а таксама маюць патрэбу ў дзяржаўнай абароне).
Ігар Украінец звярнуў увагу, што ў сферы эканомікі больш пільнай увагі патрабуюць пытанні нагляднага суправаджэння дзяржаўных праграм і інвестыцыйных праектаў, выканання заканадаўства аб цэнаўтварэнні, забеспячэння дысцыпліны разлікаў. Недапушчальна зніжэнне актыўнасці дзейнасці пракурораў у сферы АПК, бо крадзяжы, прыпіскі і безгаспадарнасць у сельскагаспадарчых арганізацыях набылі сістэмны характар. Адным з прыярытэтных задач застаецца своечасовае рэагаванне на факты невыплаты заработнай платы, парушэнні патрабаванняў аховы працы. У сувязі з выкананнем Закона Рэспублікі Беларусь «Аб амністыі ў сувязі з Днём народнага адзінства» дадатковага кантролю патрабуюць пытанні працоўнага і бытавога ўладкавання асоб, якія вызваляюцца з папраўчых устаноў.
Падводзячы вынікі пасяджэння калегіі, Сяргей Хмарук станоўча ацаніў работу органаў пракуратуры Віцебшчыны па ўмацаванні законнасці і правапарадку.
Па выніках пасяджэння калегіі прынята рашэнне, накіраванае на ўмацаванне законнасці і правапарадку ва ўсіх рэгіёнах вобласці, павышэнне якасці пракурорскай дзейнасці.
Пракурор арганізацыйна-
кантрольнага аддзела
С.А. Старавойтава