Падводзячы вынікі кадравага дня, Мікалай Шарснёў адзначыў, што на працягу месяца раёны павінны падрыхтаваць свае прапановы па рэарганізацыі сельгасарганізацый. Прынцып адзін: зямля павінна арацца!
Кадравы дзень у старшыні аблвыканкама Мікалая Шарстнёва пачаўся з узгаднення на пасаду першага намесніка кіраўніка адміністрацыі Кастрычніцкага раёна г.Віцебска Віктара Галанава. Віктар Анатольевіч як і раней працягне курыраваць пытанні жыллёва-камунальнай гаспадаркі, добраўпарадкавання і будаўніцтва ў раёне - гістарычным цэнтры старажытнага горада, што накладвае асаблівы адбітак адказнасці.
- У умовах дэфіцыту бюджэту важна шукаць унутраныя фінансавыя рэзервы для падтрымання жыллёвага фонду ў належным стане, - напутствуе Мікалай Шарстнёў. – Без павелічэння бюджэтнага фінансавання горад можа жыць і развівацца за кошт эканоміі затратнай часткі бюджэту. Іншага шляху сёння няма. Таму кіраўніцтву адміністрацыі трэба пралічыць кожны артыкул затрат. А зэканомленыя сродкі накіраваць на добраўпарадкаванне, азеляненне, падтрымку малога і сярэдняга бізнесу.
Новы намеснік кіраўніка гэтай жа адміністрацыі – Дзмітрый Ягорава. Раней ён тут узначальваў аддзел эканомікі, з 2012 года працаваў у СААА «Белвест», цяпер вяртаецца на дзяржаўную службу ў новым якасці, будзе курыраваць эканамічны блок.
На думку старшыні аблвыканкама, эканамісты і на прадпрыемствах, і ў органах дзяржаўнага кіравання – галоўная рухаючая сіла. Яны чарцяць дарожную карту, паказваючы шлях далейшага развіцця. Але пачынаць трэба з аналізу абстаноўкі на кожным прадпрыемстве. Прыярытэт аддаваць – новым вытворчасцям, дапамагаючы ўсім жадаючым уключацца ў бізнес.
- Вам даручана стварыць сваю каманду і катэгарычна выключыць усялякую бюракратыю, - адзначыў Мікалай Мікалаевіч.
Новы дырэктар у ААТ «Тэхналіт Полацк» - Аляксандр Аляксандраў. З 1987 года ён амаль два дзесяцігоддзі аддаў роднаму «Тэхналіту», прайшоў шлях ад слесара да намесніка дырэктара. Сёння ў завода вельмі складанае становішча. Цяжкі цяжар даўгавых абавязацельстваў, а аб'ёмы вытворчасці ўпалі ў разы. Аднак ініцыятывы Аляксандраву не займаць. Ужо за два месяцы яго кіраўніцкай працы намяціліся пазітыўныя змены. Экспартаарыентаваная прадукцыя завода запатрабавана
і ў Маскве, і ў Санкт-Пецярбургу. А калі апраўдаюцца надзеі на атрыманне замовы для Керчанскага моста, то прадпрыемства зможа працаваць тры месяцы без перапынку.- З любой сітуацыі можна знайсці выйсце, - лічыць Мікалай Шарснёў. – Калі ёсць лідар, гатовы павесці за сабой, можна ўсё змяніць да лепшага. Прыкладаў такіх дастаткова.
Вырашана таксама паскорыць разлікі з сельгасвытворцамі, якія маюць значную запазычанасць перад полацкімі ліцейшчыкамі. Гэтаму павінна спрыяць рэалізацыя Указа №320 ад 25 жніўня 2016 года аб рэарганізацыі аграпрамысловага комплексу Віцебскай вобласці.
Лёсавызначальны ўказ стаў жыватворнай крыніцай для паскоранага развіцця аграхолдынгі на Прыдзвінскай зямлі. Сваё пакрокавае бачанне новага старта ў змененых эканамічных умовах акрэслілі на кадравым дзень дырэктары ААТ «Полацкі камбінат хлебапрадуктаў» Васіль Хамянок і ААТ «Полацкі малочны камбінат» Уладзімір Яцкевіч. Малочны камбінат уваходзіць у інтэграваную структуру, якую узначальвае камбінат хлебапрадуктаў. Акрамя гэтага да холдынгу далучаны два міёрскія перапрацоўчыя прадпрыемствы: мясакамбінат і камбікормавы. Васіль Хамянок плануе вызваленыя фінансавыя сродкі накіраваць на рэканструкцыю малочнай фермы «Павяцце», нарасціць пагалоўе буранак, стварыць уласную брыгаду ветэрынарных урачоў для лячэння і прафілактыкі захворванняў кароў. Для павелічэння аб'ёмаў вытворчасці плануецца пашырыць спектр паслуг – спецыяльныя брыгады будуць выконваць тэхнічнае абслугоўванне даільных залаў, малочнага абсталявання, халадзільнікаў. Усё гэта дапаможа павысіць якасць малака. Старшыня аблвыканкама адобрыў ініцыятыву дырэктара. Адносна малочнага камбіната Мікалай Шарснёў даручыў кіраўніцтву ў адносінах з інвестарам адпрацаваць усе магчымыя падыходы па мадэрнізацыі вытворчасці, каб выпускаць канкурэнтаздольную прадукцыю. Дзейнічаць на апярэджанне – аксіёма сучаснага кіраўніка.
На кадравым дні былі прадстаўлены і кіраўнікі жыллёва-камунальных службаў шэрагу раёнаў вобласці. Ім пастаўлена задача развіваць запатрабаваныя напрамкі паслуг, зніжаючы іх сабекошт ізабяспечваючы рост даходаў.
Пры ўзгадненні падаўжэння кантрактаў кіраўнікам сельгасарганізацый (у прыватнасці заслухоўваўся справаздачу кіраўніка ААТ «Наўгароды» Мёрскага раёна) старшыня аблвыканкама даручыў старшыні камітэта па сельскай гаспадарцы і харчаванні Сяргею Догелю перагледзець карту сельгаспрадпрыемстваў Мёрскага раёна з мэтай ліквідацыі шлейфа адстаючых гаспадарак. Для таго, каб перакраіць зямельныя адносіны на месцах, патрэбна ініцыятыва знізу. Без кардынальных змен не абысціся. На працягу месяца раёны павінны падрыхтаваць свае прапановы па рэарганізацыі. Прынцып адзін: зямля павінна арацца!
Святлана ДЗЕДЗІНКІНА,
галоўны спецыяліст
галоўнага ўпраўлення ідэалагічнай работы,
культуры і па справах моладзі аблвыканкама.