Свята бяспечнага дзяцінства. Як у Віцебску адзначылі Міжнародны дзень абароны дзяцей?

Забег у паўзунках, конкурс касцюмаў «Супер-мама», насычаная творчая праграма, інтэрактыўныя навучальныя пляцоўкі і выстава спецыяльнай тэхнікі МНС. Карэспандэнт «ВВ» пабывала на свяце «Лета бяспечнае і класнае», арганізаваным віцебскімі ратавальнікамі.

Мерапрыемства праходзіла ў рамках рэспубліканскай прафілактычнай акцыі МНС «Бяспечныя канікулы», галоўная мэта якой – нагадаць дарослым і дзецям аб каштоўнасці жыцця і неабходнасці выканання элементарных правілаў бяспекі.

– Як бацька, магу сказаць, што дзеці для нас з'яўляюцца надзеяй і гонарам. Кожнае імгненне, праведзенае з дзецьмі, напаўняе нас, дарослых, шчасцем. Сёння ўпершыню адбыўся творчы конкурс касцюмаў «Супер-мама», які мы арганізавалі сумесна з Беларускім саюзам жанчын. Сімвалічна, што гэтая падзея адбылася ў Год беларускай жанчыны. Ні для каго не сакрэт, што выдатная палова чалавецтва адыгрывае асноўную ролю ў фарміраванні сям'і і выхаванні дзяцей. Конкурс «Супер-мама» створаны для таго, каб падкрэсліць важнасць ролі жанчыны ў свеце, – адзначыў член Савета Рэспублікі, начальнік абласнога ўпраўлення МНС Сяргей Мелешкін.

Старт мерапрыемству даў традыцыйны мілы конкурс «Забег у ползунках». 20 спрытных малышоў не толькі спаборнічалі ў хуткасці, але і ўмілялі прысутных крэатыўнымі касцюмамі ў стылі МНС. Самым шустрым стаў 12-месячны Марк Максімаў.

– Пра забег даведалася ад сяброўкі. Мой малыш вельмі актыўны, таму вырашыла паўдзельнічаць з ім у традыцыйным конкурсе ад МНС. Як аказалася, нездарма. З вынікам 18 секунд Марк стаў самым хуткім карапузам. Ганаруся сваім сынам і ведаю, што гэтая перамога стане для яго адпраўной кропкай у светлую будучыню, – падкрэсліла мама юнага пераможцы Алёна Максімава.

Сярод 13 творчых матуль паўночнага рэгіёну самай арыгінальнай стала Аляксандра Цішуціна.
– Калі запісвала свайго малога на конкурс «Забег у паўзунках», даведалася ад арганізатараў пра «Супер-маму». Падумала, будзе цікава паўдзельнічаць. Для нашай сям’і гэта стане гісторыяй, пра якую будзем распавядаць дзецям. Касцюм дапамагала ствараць сястра. Справіліся з гэтай задачай за адну ноч. Ідэя прыйшла спантанна. Убачыла ў інтэрнэце фатаграфіі, дзе мамы трымаюць у руках вялікую колькасць прадметаў. Вырашыла стварыць касцюм супер-мамы з шасцю рукамі, у якіх ёсць усё самае неабходнае для карапузаў. Прыемна, што маё творчасць так высока ацанілі. Дзякуй арганізатарам за карысныя падарункі і атмасферу свята, – сказала Аляксандра Цішуціна.

Творчыя калектывы Віцебска парадавалі гасцей свята яркімі вакальнымі нумарамі.

Не абышлося і без пазнавальнай хвілінкі.

 Супрацоўнікі МНС на інтэрактыўных навучальных пляцоўках распавядалі аб правілах бяспекі, здольных папярэдзіць пажары, трагедыі на вадзе і іншыя няшчасныя выпадкі з удзелам дзяцей.

WEB"Віцебскія весці"