Прадстаўнік пракуратуры Віцебскай вобласці прыняў удзел у разглядзе пытання аб стане законнасці і грамадскага парадку ў Браслаўскім раёне
Прадстаўнік пракуратуры Віцебскай вобласці прыняла ўдзел у рабоце 26-й чарговай сесіі Браслаўскага раённага Савета дэпутатаў, на якой разгледжана пытанне стану законнасці і грамадскага правапарадку ў Браслаўскім раёне.
Статыстычныя даныя аб здзейсненых на тэрыторыі Браслаўскага раёна злачынствах супраць жыцця і здароўя сведчаць, што ў рэгіёне на працягу 2019-2020 г.г. прасочвалася ўстойлівая тендэнцыя да іх штогадовага росту.
Нягледзячы на адзначаныя пракуратурай вобласці недахопы пры фарміраванні і выкананні комплекснага плана па прафілактыцы правапарушэнняў на тэрыторыі Браслаўскага раёна на 2020 год, фармальны план, без уліку стану крымінагеннай абстаноўкі, зацверджаны і на 2021 год.
У поўнай меры выкладзенае ставіцца да планавання мерапрыемстваў, накіраваных на папярэджанне правапарушэнняў, якія спрыяюць узнікненню надзвычайных сітуацый і гібелі людзей ад іх, паколькі дзеючым планам не прадугледжана канкрэтных мерапрыемстваў па стабілізацыі абстаноўкі, акрамя тых, што выцякаюць з функцыянальных абавязкаў супрацоўнікаў Браслаўскага РАНС.
Даведкава: па выніках 2020 года на тэрыторыі раёна на 37% узрасла колькасць пажараў – 27 (37), у 6 разоў узрасла колькасць загінулых на пажары грамадзян, патанула 6 (4) чалавек. Тендэнцыя росту пажараў захавалася і ў мінулым перыядзе 2021 г.
У сваім выступленні пракурорскі работник звярнула ўвагу дэпутатаў і прысутных прадстаўнікоў праваахоўных органаў і органаў мясцовай улады на адзначаныя негатыўныя тендэнцыі і прапанавала шэраг мерапрыемстваў, якія спрыяюць стабілізацыі крымінагеннай абстаноўкі.
Таксама асвяціла ключавыя аспекты і напрамкі прафілактычнай дзейнасці на бягучы год, звязаныя з правядзеннем мерапрыемстваў, накіраваных на папярэджанне злачыннасці ў сферы высокіх тэхналогій, а таксама звернута ўвага на неабходнасць прыняцця мер па згладжванні ачагоў сацыяльнай напружанасці.
Старшы памочнік пракурора вобласці
Наталля Калпакова