Прадстаўнікі беларускіх і расійскіх СМІ прымаюць удзел у прэс-туры, прысвечаным маючаму адбыцца «Славянскаму базару ў Віцебску»
12.06.2026
Прадстаўнікі беларускіх і расійскіх сродкаў масавай інфармацыі прымаюць удзел у міжнародным прэс-туры, прысвечаным падрыхтоўцы і правядзенню юбілейнага XXXV Міжнароднага фестывалю мастацтваў «Славянскі базар у Віцебску».
Першы прыпынак – галоўная канцэртная пляцоўка форуму – Летні амфітэатр, дзе праведзена самая маштабная рэканструкцыя за апошнія гады. Журналісты і блогеры ацанілі новыя крэслы з пружынным механізмам, абноўлены дах, даведаліся пра яе падсвятленне, якое будзе ўпісвацца ў сцэнаграфію, ствараючы прыгожую карцінку як для гледачоў у зале, так і для тэлегледачоў.
Удзельнікі прэс-тура таксама прыклалі рукі да добраўпарадкавання пляцоўкі – высадзілі кветкі, якія, як спяваецца ў фестывальнай песні, квітнеюць у ліпені. А таксама пачалі зваротны адлік «Фестывальнага календара». Кожны перадфестывальны дзень будзе насычаны нейкімі падзеямі.
У гэтым годзе фестывальны васілёк на лагатыпе «Славянскага базару» заквітнеў на ладдзі. Удзельнікі прэс-тура таксама адправіліся ў плаванне, праўда, на цеплаходзе па Дзвіне і даведаліся самыя апошнія навіны з фестывальных берагоў. У прыватнасці, пра тое, што сёлета «Славянскі базар» упершыню выязджае ў рэгіёны. «Васільковы тур», які ўключае «Фестывальнае караоке зоркай», выставу-продаж тавараў беларускіх вытворцаў і рамеснікаў у стылістыцы форуму мастацтваў, ахопіць пяць гарадоў Беларусі. У прэс-канферэнцыі прыняў удзел намеснік старшыні аблвыканкама Аляксей Гуйда.
Намеснік аблвыканкама Аляксей Гуйда адзначыў, што горад пачынае трансфармавацца:
- Мы актыўна рыхтуемся да надыходзячых святаў. Пачнем з Дня горада, далей адзначым Дзень Незалежнасці. Пасля пачнецца найважнейшае святочнае мерапрыемства – знакаміты "Славянскі базар у Віцебску". Чакаецца вялікая колькасць удзельнікаў, артыстаў, гледачоў. Мы запрашаем мноства афіцыйных гасцей, гасцей з розных краін.
Далей у праграме – наведванне музея-сядзібы Ільі Рэпіна «Здраўнёва», дзе прадставяць выставачную праграму фестывалю, дэгустацыя «Фестывальнага сэта», які ўключае традыцыйныя стравы беларускай кухні, экскурсія па начных фестывальных пляцоўках, а таксама прэзентацыя праграмы фэсту вулічнага мастацтва «На сямі вятрах».