Прызыўная кампанія «Вясна-2020» на кантролі пракуратуры Віцебскай вобласці

Начальнік аддзела па наглядзе за выкананнем заканадаўства ў войсках пракуратуры Віцебскай вобласці Віктар Колбун наведаў ваенны камісарыят Гарадоцкага раёна.

У ходзе наведвання пракурорскі работнік абмеркаваў з вайскоўцамі камісарыята асноўныя пытанні арганізацыі вясенняй прызыўной кампаніі, захаванне законнасці пры яе правядзенні. Таксама акцэнтаваў увагу на прафілактыку і папярэджанне здзяйснення карупцыйных праяў.

Па выніках сустрэчы Віктар Колбун адказаў на паступіўшыя пытанні.

Наведванне ваенных камісарыятаў Віцебскай вобласці, аналіз захавання законнасці ў ходзе правядзення прызыўной кампаніі будуць працягнуты.

Аддзел па наглядзе за выкананнем
заканадаўства ў войсках
пракуратуры Віцебскай вобласці