Прамая тэлефонная лінія "Уладзімір Пянін": кола пытанняў не змяняецца, большасць звязана з працай жыллёва-камунальных службаў, станам дарог
І сапраўды замярзаюць, праўда, у іншай частцы горада – у доме на вуліцы Фрунзе.
– У нас і ў мінулым годзе было холадна, і ў гэтым хаджу па кватэры ў паліто, буркі купіла, каб ногі не мерзлі. Колькі разоў звярталіся ў ЖЭУ. Сантэхнікі прыйдуць, паглядзяць, а батарэі ад гэтага цяплейшымі не становяцца. Дапамажыце, – просіць жанчына-інвалід.
Гэтыя звароты Уладзімір Пятровіч узяў на кантроль і паабяцаў у бліжэйшыя дні разабрацца.
Патрабуе ўсебаковага разгляду скарга жыхара дома на вуліцы Марка Шагала ў абласным цэнтры. Яго турбуе начны шум, які ствараюць наведвальнікі адкрытай на вуліцы Леніна 16-а кафэ «Галерэя»,
– Позна ўночы пад'язджаюць машыны, гучна ўключаюць музыку, шумяць. Мы не раз выклікалі міліцыю, супрацоўнікі правапарадку прыязджаюць, а ўжо ўсе з'ехалі. Я не прашу закрыць кафэ, але хай яно працуе хаця б да 23 гадзін, а не ўсю ноч, – кажа мужчына.
Яго можна зразумець, але як прыструніць моладзь, якая ўночы на машынах катаецца па горадзе і паркуе аўто ў дварах з уключанымі на ўсю моц дынамікамі? Прычым не толькі каля гэтага кафэ.
Таксама няпроста разважыць жыхароў вёсак Малыя Лётцы і Шавіна, з аднаго боку, і санаторыя «Лётцы», з другога. Апошні агарадзіў сваю тэрыторыю плотам, і цяпер людзі вымушаны хадзіць з аднаго населенага пункта ў іншы па неасветленай дарозе і робячы вялікі кругаля. Гэтая тэма ўжо ўздымалася, тым не менш Уладзімір Пянін паабяцаў яшчэ раз да яе вярнуцца.
Незадаволенасць працай адзінага нумара дыспетчарскіх службаў выказаў жыхар Оршы. У доме яго маці здарылася аварыя – прарвала трубу. Тэлефон 115 быў увесь час заняты, толькі праз паўгадзіны жанчына дазванілася, а за гэты час вада заліла некалькі кватэр.
– Трэба раздзяліць нумары дыспетчарскай ЖКГ і аварыйнай службы або наладзіць механізм, каб чалавек мог хутка дазваніцца, а не слухаць на працягу гадзіны кароткія гудкі, – лічыць мужчына.
Звярнуўся да намесніка старшыні аблвыканкама чытач і герой публікацыі нашай газеты ўдзельнік Вялікай Айчыннай вайны Іван Кліменцьевіч Куракоў. 93-гадовы ветэран просіць усталяваць крыты павільён на прыпынку ў Рубе. Людзям даводзіцца макнуць пад дажджом у чаканні аўтобуса. На ранейшыя яго званкі ў розныя інстанцыі яму абяцалі ўсталяваць павільён у 2020 годзе. Чаго чакаць? Пытае Іван Кліменцьевіч. Уладзімір Пянін узяў зварот ветэрана на кантроль.
Сярод пытанняў, якія на працягу трох гадзін паступілі на прамую лінію, – дрэннае асвятленне вуліц у аграгарадку Язна Мёрскага раёна, разбітыя дарогі да населеных пунктаў Краўцы і Бруйкі Глыбоцкага раёна і іншыя.
– Кола зваротаў не змяняецца, большасць звязана з працай жыллёва-камунальных службаў, станам дарог. З глабальнымі праблемамі, якія б закраналі большую частку насельніцтва, людзі не звяртаюцца. Але для канкрэтнага чалавека важныя дробныя, здавалася б, пытанні, але яны яго турбуюць, ствараюць нязручнасці для жыцця. Некаторыя з іх можна вырашыць, у іншых – неабходна сур'ёзна разабрацца. Але не варта думаць: калі патэлефанаваў на прамую лінію, то ўсё будзе зроблена так, як чалавеку хочацца. Адказваючы на любыя звароты, мы дзейнічаем у межах закона, – адзначыў Уладзімір Пянін.