Прафілактыка падлеткавых злачынстваў

У Віцебскай вобласці праводзіцца планамерная работа па абароне правоў дзяцей. Важнае значэнне ў гэтым маюць меры па папярэджанні злачыннасці непаўналетніх.

Органамі пракуратуры вобласці праведзена праверка выканання заканадаўства аб прафілактыцы правапарушэнняў у каледжах і ліцэях, злачынствы навучэнцаў якіх павысілі ўзровень злачыннасці непаўналетніх у вобласці з пачатку года. Выяўлены парушэнні, якія тычацца фармальнай працы саветаў па прафілактыцы безнагляднасці і правапарушэнняў гэтых устаноў. У шэрагу каледжаў і ліцэяў пасяджэнні саветаў праводзіліся ў тыя дні, калі яго члены фактычна знаходзіліся ў адпачынках, камандзіроўках, адсутнічалі на працы ў перыяд часовай непрацаздольнасці па хваробе. Установы адукацыі не заўсёды належным чынам узаемадзейнічалі з АУС і КДН аб навучэнцах, якія здзейснілі супрацьпраўныя дзеянні, у выніку чаго індывідуальная праца па месцы вучобы з імі не была наогул арганізавана альбо арганізавана несвоечасова. Недахопы мелі месца і пры працы з навучэнцамі, якія знаходзяцца ў сацыяльна небяспечным становішчы, шэраг іншых парушэнняў.

Пракурорамі кіраўнікам 10 каледжаў і ліцэяў унесены адпаведныя прадстаўленні, пракуратурай вобласці ў Галоўнае ўпраўленне па адукацыі аблвыканкама 23.04.2020 таксама ўнесена прадстаўленне. Па выніках прыняты арганізацыйна-практычныя меры па ліквідацыі парушэнняў, 31 службовая асоба, у тым ліку кіраўнікі ўстаноў прыцягнуты да дысцыплінарнай адказнасці.

За 5 месяцаў 2020 г. падлеткавая злачыннасць знізілася з 63 да 59 злачынстваў (на 6,3%), яе ўдзельная вага склала 2,5% (па рэспубліцы – 2,6%). Таксама знізілася колькасць дзяцей, якія здзейснілі грамадска-небяспечныя дзеянні да ўзросту прыцягнення да крымінальнай адказнасці – 20 (22).

Органамі пракуратуры вобласці будзе працягнута работа па абароне правоў дзяцей.

Старшы памочнік пракурора вобласці
Антон Волкаў