Пракуратура Віцебскай вобласці выявіла парушэнні ў сферах самавольнага будаўніцтва і скарачэння колькасці пустуючых і старых дамоў

Органамі пракуратуры Віцебскай вобласці праведзена праверка выканання мясцовымі выканаўчымі і распарадчымі органамі патрабаванняў заканадаўства пры прыняцці рашэнняў у дачыненні да самавольных пабудоў, пустуючых і старых дамоў, а таксама невыкарыстоўваемых і выкарыстоўваемых не па мэтавым прызначэнні зямельных участкаў.

Праверкай устаноўлена, што службовымі асобамі выканкамаў не заўсёды прымаліся меры па выяўленні і ліквідацыі на падведамасных тэрыторыях наяўных фактаў самавольнага будаўніцтва, прыцягненні да адказнасці асоб, вінаватых у дадзеных парушэннях заканадаўства (Лепельскі, Шаркаўшчынскі, Гарадоцкі раёны, г.Віцебск).

У Полацкім і Чашніцкім раёнах не заўсёды ва ўстаноўленыя тэрміны ажыццяўлялася абследаванне самавольных пабудоў і падрыхтоўка неабходных дакументаў.

Пракурорамі таксама адзначаны факты ненакіравання ў падатковыя органы звестак аб самавольна занятых, выкарыстоўваемых не па мэтавым прызначэнні і своечасова не вернутых зямельных участках для налічэння падатку на зямлю ў павышаным памеры (Чашніцкі, Талачынскі раёны).

У парушэнне патрабаванняў заканадаўства мясцовымі выканаўчымі і распарадчымі органамі ненадлежным чынам вяліся рэгістры ўліку пустуючых дамоў, размешчаных у сельскай мясцовасці. Выканкамы не мелі поўнай і дакладнай інфармацыі аб колькасці і месцазнаходжанні названых аб'ектаў, у сувязі з чым не маглі належным чынам праводзіць з імі работу.

Мелі месца факты ненадлежнага фарміравання, а таксама бяздзейнасці камісій па абследаванні стану жылых дамоў, размешчаных у сельскай мясцовасці на тэрыторыях адпаведных адміністрацыйна-тэрытарыяльных адзінак.

Падобныя факты выяўлены пракурорамі Браслаўскага, Лёзненскага, Глыбоцкага, Чашніцкага і Міёрскага раёнаў.

Неэфектыўнай рабоце па выяўленні старых і пустуючых дамоў у сельскай мясцовасці таксама спрыялі адсутнасць узаемадзеяння ва ўказанай сферы дзейнасці паміж зацікаўленымі ведамствамі і ненадлежная работа выканкамаў з уласнікамі жылых дамоў (Браслаўскі, Міёрскі і Полацкі раёны).

Пракурорамі выяўлены асобныя факты парушэння тэрмінаў падачы ў суды заяў аб прызнанні дамоў бяспантежнымі і перадачы іх у ўласнасць адпаведных адміністрацыйна-тэрытарыяльных адзінак.

Праблемныя пытанні ў рабоце па зносе жылых памяшканняў аналізуемай катэгорыі адзначаны ў ходзе праверкі ў Віцебскім, Аршанскім і Міёрскім раёнах.

Па фактах выяўленых парушэнняў заканадаўства пракурорамі гарадоў і раёнаў вобласці ў мясцовыя выканаўчыя і распарадчыя органы ўнесена 12 актаў нагляду, якія знаходзяцца на разглядзе. Аб выніках праведзенай праверкі падрыхтавана адпаведная інфармацыя ў Віцебскі аблвыканкам.

Пракурор аддзела пракуратуры Віцебскай вобласці Марына Запрудская.