Пракуратурай Міёрскага раёна падчас праверкі парадку спагнання платы з пацыентаў мясцовай бальніцы за аказанне платных паслуг выяўлены шэраг парушэнняў
Устаноўлена, што загадам галоўнага ўрача ўстановы аховы здароўя «Міёрская цэнтральная раённая бальніца» (далей – УАЗ «Міёрская ЦРБ») ад 29.05.2015 № 106 «Аб зацвярджэнні пераліку платных медыцынскіх паслуг, якія аказваюцца ва УАЗ «Міёрская ЦРБ» зацверджаны пералік платных паслуг.
Пры гэтым, у пералік платных медыцынскіх паслуг ва УАЗ «Міёрская ЦРБ», уключана такая паслуга як «выкарыстанне ўласных электрапрыбораў».
Заканадаўствам зацверджаны пералік платных медыцынскіх паслуг. Дадзены пералік з'яўляецца вычарпальным. Выкарыстанне ўласных электрапрыбораў у адпаведнасці з дзеючым заканадаўствам медыцынскай паслугай не з'яўляецца.
Таксама, заканадаўствам РБ устаноўлены пералік даходаў ад іншай прыбытковай дзейнасці, якія ўключаюцца ва пазабюджэтныя сродкі арганізацыі. Аднак у дадзеным пераліку даходы ад вышэйуказанай паслугі таксама адсутнічаюць.
У ходзе праведзенай праверкі ўстаноўлена, што плата за аказанне паслугі па выкарыстанні ўласных электрапрыбораў УАЗ «Міёрская ЦРБ» спаганяецца згодна прэйскуранту, зацверджанаму галоўным урачом УАЗ «Міёрская ЦРБ», а таксама на падставе планавай калькуляцыі разліку тарыфаў кошту на платныя медыцынскія паслугі.
Таксама на падставе дадзенай калькуляцыі УАЗ «Міёрская ЦРБ» распрацаваны і падпісаны пратакол хранаметражу затрачанага спецыялістам часу на аказанне платнай паслугі па выкарыстанні ўласных электрапрыбораў, які складае 5 хвілін і ўключае запісы ў журналы, атрыманне чэкаў, ацэнку затрачанага часу.
На падставе дадзенага пратаколу праведзены разлікі заработнай платы, дадатковай заработнай платы спецыялісту за 1 хвіліну па аказанні дадзенай паслугі.
Акрамя таго, супрацоўнікамі дадзенай установы аховы здароўя распрацаваны нормы расходу электраэнергіі на працу абсталявання. Пры гэтым пры распрацоўцы дадзеных нормаў спецыялісты кіраваліся інструкцыямі па выкарыстанні электрапрыбораў. Якіх-небудзь загадаў, ведамасных актаў, на падставе якіх распрацаваны дадзены пратакол, нормы і г.д., не маецца.
Праверкай устаноўлена, што згодна прэйскуранту 1 гадзіна карыстаннятэлевізарам, ноўтбукам або планшэтам, падключаным да электрасеткі, каштуе 9 капеек, выкарыстанне зараднай прылады для мабільнага тэлефона або электрачайніка – 20 капеек, радыёпрыёмніка – 7 капеек.
Між тым, згодна з планавай калькуляцыяй кошт паслугі за выкарыстанне ўласных электрапрыбораў вышэй за цану па прэйскуранце (напрыклад, 1 гадзіна карыстання тэлевізарам, ноўтбукам або планшэтам – 0,84 рубля, выкарыстанне зараднай прылады для мабільнага тэлефона – 0,80 капеек).
Пры гэтым пры спагнанні платы прымяняецца прэйскурант, а не калькуляцыя. Аднак указаныя ў ім цэны відавочна неадпаведныя магутнасці электрапрыбораў, што выкарыстоўваюцца, кошту 1 гадзіны падключэння да электрычнай сеткі, у прыватнасці пры абсалютна рознай магутнасці зараднай прылады мабільнага тэлефона і электрачайніка, тарыфы па іх выкарыстанні з'яўляюцца аднолькавымі. Гэта акалічнасць сведчыць аб эканамічнай неабгрунтаванасці прымянення ўказанага прэйскуранта.
Акрамя гэтага, УАЗ «Міёрская ЦРБ» не з'яўляецца энергазабяспечваючай арганізацыяй, ліцэнзіі, сертыфіката на пастаўку электрычнай энергіі не мае, уласных крыніц атрымання электрычнай энергіі таксама не маецца.
Праверкай таксама ўстаноўлена, што ў пераліку платных медыцынскіх паслуг, якія аказваюцца УАЗ «Міёрская ЦРБ», маюцца медыцынскія паслугі, фармулёўкі якіх не адпавядаюць тым, што пазначаны ў пераліку платных медыцынскіх паслуг, якія аказваюцца грамадзянам Рэспублікі Беларусь дзяржаўнымі ўстановамі аховы здароўя, зацверджанага пастановай № 182 (далей – пералік № 182).
Напрыклад, пералікам УАЗ «Міёрская ЦРБ» прадугледжана аказанне такіх медыцынскіх паслуг як «выкарыстанне лекавых сродкаў і іншых расходных матэрыялаў, якія не ўваходзяць у пералік асноўных лекавых сродкаў», аднак згодна з п. 14 пераліку, зацверджанага пастановай № 182, маецца паслуга «прадастаўленне для медыцынскага прымянення дзяржаўнымі ўстановамі аховы здароўя па жаданні грамадзян іншых вырабаў медыцынскага прызначэння і медыцынскай тэхнікі, лекавых сродкаў замест уключаных у Рэспубліканскі формуляр медыцынскіхз'яў і Рэспубліканскі формуляр лекавых сродкаў з аплатай за кошт уласных сродкаў грамадзян, сродкаў юрыдычных асоб і іншых крыніц, не забароненых заканадаўствам Рэспублікі Беларусь».
Усе вышэйпералічаныя факты сведчаць аб грубым парушэнні УЗ «Міёрская ЦРБ» заканадаўства, якое рэгулюе парадак аказання платных медыцынскіх паслуг, аб парушэнні правоў і законных інтарэсаў грамадзян, у т.л. і сацыяльных правоў на атрыманне бясплатнага медыцынскага абслугоўвання, могуць прывесці да здзяйснення карупцыйных злачынстваў і правапарушэнняў
Па выніках сапраўднай праверкі пракурорам Міёрскага раёна галоўнаму ўрачу УЗ «Міёрская ЦРБ» унесена прадстаўленне, у якім запатрабавана прыняць вычарпальныя меры па ўстараненні і недапушчэнні ў далейшым выяўленых парушэнняў заканадаўства, неадкладна спыніць практыку спагнання неабгрунтаванай платы за аказанне пацыентам паслугі за выкарыстанне ўласных электрапрыбораў, а таксама прыцягнуць вінаватых асоб да адказнасці.
Акт нагляду знаходзіцца на асаблівым кантролі ў пракуратуры.
Пракурор Міёрскага раёна Іван Валчык