Пракуратурай вобласці ўзбуджана крымінальная справа ў дачыненні да жыхаркі Полацкага раёна па факце падпалу аўтамабіля

Так, крыўдлівая жыхарка Полацкага раёна падчас раптоўнай сваркі па мабільным тэлефоне з жонкай прыяцеля свайго мужа не знайшла нічога лепшага, чым спаліць іх аўтамабіль.

У ходзе вывучэння матэрыялу праверкі ў пракуратуры вобласці было ўстаноўлена, што 07.10.2018 Таццяна* (* імёны зменены. – аўт.) з мэтай наўмыснага знішчэння маёмасці, знаходзячыся па месцы жыхарства, увайшла ў незачынены гараж, размешчаны на тэрыторыі домаўладання, які належыць яе мужу, дзе з дапамогай анучы, змочанай у дызельным паліве, падпаліла толькі што адрамантаваны яе мужам аўтамабіль «Фальксваген-Джэта», які належыць Уладзіміру*.

Здзейсніць бесперашкодна задуманае Таццяне дапамагло тое, што мужчыны знаходзіліся ў доме, дзе доўга і «моцна» адзначалі паспяховую куплю і рамонт, зусім не звяртаючы ўвагі, якія «ўжасы» творацца за вуглом дома. Сама «вінаватая» падпалу, ашалеўшы, мабыць, зусім забылася пра разбуральную сілу агню.

У выніку пажару аўтамабіль коштам каля 600 беларускіх рублёў быў цалкам знішчаны агнём, а таксама пашкоджаны гараж і знішчаны інструменты і абсталяванне, якое належыць яе мужу, коштам каля 6 000 рублёў.

Пацярпелыя мужчыны не сталі выстаўляць ніякіх прэтэнзій «разгарачанай» даме.

Аднак па выніках вывучэння матэрыялу праверкі ў пракуратуры вобласці дадзена аб'ектыўная ацэнка дзеянням Таццяны.

Было ўлічана, што Таццяна здзейсніла наўмыснае супрацьпраўнае дзеянне агульнанебяспечным спосабам, пад якім разумеецца спосаб здзяйснення злачынства, які характарызуецца вялікай разбуральнай сілай або іншым чынам стварае небяспеку гібелі людзей, прычынення цялесных пашкоджанняў, да якіх таксама адносіцца і падпал.

Пры гэтым намер Таццяны быў звязаны непасрэдна са знішчэннем маёмасці В., аднак з прычыны вялікай разбуральнай сілы пажару таксама пацярпела маёмасць яе мужа.

Акрамя таго, крыніца пажару знаходзіўся ў гаражы, да якога меўся свабодны доступ для іншых асоб, сам гараж знаходзіўся паблізу жылога будынка, дзе знаходзіліся яе муж і В. у стане алкагольнага ап'янэння, што магло стварыць пагрозу іх жыццю і здароўю ў выпадку спроб выратаваць сваё

маёмасьці. Знаходжанне ў гаражы рознага абсталявання і іншых лёгкаўзгаральных і гаручых рэчываў таксама стварала небяспеку гібелі альбо прычынення цялесных пашкоджанняў людзям пры ўваходзе альбо знаходжанні паблізу гаража.

У сувязі з чым, у дачыненні да Таццяны ўзбуджана крымінальная справа па ч. 2 арт. 218 КК за наўмыснае знішчэнне маёмасці, здзейсненае агульнанебяспечным спосабам, якое адносіцца да цяжкіх злачынстваў, а санкцыя артыкула прадугледжвае пакаранне аж да пазбаўлення волі на тэрмін да 10 гадоў.

Пракурор аддзела па наглядзе за дазнаннем і аператыўна-вышуковай дзейнасцю
А. Заікін