Пракуратурай Віцебскай вобласці арганізаваны сістэмны нагляд за выкананнем заканадаўства ў сферы эканомікі

Ва ўказанай сферы пракурорамі праведзена 324 (354) праверкі, па выніках якіх унесена 1125 (1114) актаў нагляду, 2077 (2178) асоб прыцягнута да розных відаў адказнасці, сума пакрытага па патрабаванні пракурораў уронку склала больш за 2,6 (4,1) млн. рублёў.

У ходзе праведзеных праверак органамі пракуратуры вобласці вывучаліся пытанні скарачэння пратэрмінаванай знешняй дэбіторскай запазычанасці, вяртання валютнай выручкі ў краіну.

Да прыкладу, пракуратурай г.Віцебска ў дзейнасці РУП «Віцебскі ДСК» устаноўлены парушэнні парадку ажыццяўлення дагаворнай і прэтэнзійна-іскавой працы. Прадпрыемствам не ажыццяўляўся кантроль за выкананнем ЗАТ «СУ-197» (РФ) дагавораў у частцы прадастаўлення дакументаў, якія пацвярджаюць выплату ПДВ, што пацягнула прычыненне страт прадпрыемству ў памеры 278 тыс. рублёў. Па фактах выяўленых парушэнняў пракурорам горада генеральнаму дырэктару РУП «Віцебскі ДСК» унесена прадстаўленне, па выніках разгляду якога 1 асоба прыцягнута да дысцыплінарнай адказнасці. Акрамя таго, пракурорам горада ў інтарэсах прадпрыемства ў эканамічны суд прад'яўлена 10 іскавых заяў аб спагнанні з ЗАТ «СУ-197» запазычанасці ў памеры 278,4 тыс. рублёў, з якіх 7 іскавых заяў на суму 254,4 тыс. рублёў задаволены, 3 заявы на суму 24 тыс. рублёў знаходзяцца на разглядзе.

Падобныя парушэнні заканадаўства таксама выяўляліся пракурорамі г.Наваполацка, Віцебскага і Верхнядзвінскага раёнаў.

Органамі пракуратуры вобласці істотная ўвага надавалася нагляду за выкананнем заканадаўства аб інвестыцыйнай дзейнасці.

Так, пракуратурай вобласці выяўлены парушэннізаканадаўства пры рэалізацыі інвестыцыйнага дагавора, заключанага паміж аблвыканкамам і СТАА «БелТытан», аб арганізацыі інавацыйнай імпартазамяшчальнай вытворчасці палімернай упакоўкі і тары харчовай у г.Наваполацку. Насуперак патрабаванням Дэкрэта Прэзідэнта Рэспублікі Беларусь ад 06.08.2009 №10 «Аб стварэнні дадатковых умоў для ажыццяўлення інвестыцый у Рэспубліцы Беларусь» названы дагавор быў заключаны з парушэннем тэрміну і не ўтрымліваў абавязковых умоў, належны кантроль за яго рэалізацыяй з боку аблвыканкама не ажыццяўляўся. Інвестарам ва ўстаноўлены тэрмін не ажыццёўлены увод аб'екта ў эксплуатацыю, замест прадугледжаных дагаворам 200 рабочых месцаў на вытворчасці было занята толькі 10 рабочых месцаў. Па выніках праверкі пракуратурай вобласці старшыні аблвыканкама ўнесена прадстаўленне, вінаватыя асобы прыцягнуты да дысцыплінарнай адказнасці, у тым ліку намеснік старшыні аблвыканкама, які курыруе названыя пытанні.

Падобныя парушэнні заканадаўства выяўлены пракуратурай вобласці па выніках вывучэння інвестыцыйнага праекта «Мадэрнізацыя вытворчага комплексу па вытворчасці харчовай прадукцыі на фруктова-ягаднай аснове». Па выніках праверкі у Віцебскі аблвыканкам, дырэктару ТАА «Фабрыка фруктовых смакаў» (інвестар) унесены адпаведныя прадстаўленні, па фактах выяўленых парушэнняў УУС Віцебскага аблвыканкама даручана правядзенне праверкі арт.174 УПК Рэспублікі Беларусь.

Прадметам праведзеных пракурорскіх праверак таксама з'яўляліся пытанні выканання мерапрыемстваў дзяржаўных праграм, мэтавага і эфектыўнага выкарыстання бюджэтных сродкаў, вылучаемых на іх рэалізацыю.

Так, органамі пракуратуры вобласці праведзены праверкі выканання заканадаўства ў сістэме РДУП «Віцебскаўтадар», сумесна з КВК Віцебскай вобласці прааналізаваны пытанні выканання прадпрыемствам Дзяржаўнай праграмы па развіцці і ўтрыманні аўтамабільных дарог у Рэспубліцы Беларусь на 2015-2019 гг., зацверджанай пастановай Савета Міністраў Рэспублікі Беларусь ад 31.12.2014 №1296. У межах названай праграмы выяўлены парушэнні заканадаўства аб падрадных таргах у частцы завышэння

коштах будаўніцтва аб'екта «Аўтамабільная дарога Паўночна-Заходні абход г.Віцебска». У сувязі з гэтым ККК Віцебскай вобласці прадпрыемства прыцягнута да адміністрацыйнай адказнасці па ч.2 арт.21.7 КаАП Рэспублікі Беларусь. Вынікі праверак 21.06.2016 разгледжаны на пасяджэнні міжведамаснага нарады пры намесніку пракурора Віцебскай вобласці Каранько Г.А.

Акрамя таго, органамі пракуратуры вобласці праводзіліся праверкі эфектыўнасці дзейнасці суб'ектаў гаспадарання па ахове вытворчых аб'ектаў і аб'ектаў будаўніцтва, захаванасці і забеспячэння належных умоў захоўвання набытага тэхналагічнага абсталявання, тэхнікі і матэрыялаў; выканання заканадаўства ў сферы аграпрамысловага комплексу; падатковага і іншага заканадаўства.

У бягучым годзе органамі пракуратуры вобласці будзе працягнута актыўная праца па наглядзе за выкананнем заканадаўства ў сферы эканомікі.

Пракурор аддзела па наглядзе
за выкананнем заканадаўства
і законнасцю прававых актаў
пракуратуры Віцебскай вобласці Марына Запрудская